"სტეჟარის" ტინკუ დააკლდება

AutoSharing Option
ახალ ზელანდიაში გასამართ მსოფლიოს თასზე საქართველოს ნაკრების მეტოქე, რუმინეთის ეროვნული გუნდი დღეს ლვოვში უკრაინის ნაკრებს დაუპირისპირდება. ეს შეხევდრა ერთა თასის გათამაშების მეორე ტურში უნდა ჩატარებულიყო, მაგრამ კიევში დიდთოვლობის გამო გადაიდო.

რუმინელთა მთავარმა მწვრთნელმა, ფრანგმა რობერ ანტონენმა ლვოვში 23 მორაგბე - თითქმის ყველა უძლიერსი მოთამაშე იახლა. ძირითადი შემადგენლობიდან "სტეჟარის" მხოლოდ შერკინების კვაჭი მარიუს ტინკუ დააკლდება, რომელმაც მუხლი დაიშავა.

ტრავმირებულები არიან ასევე ვალენტინ ურსაკე, იონელ კაზანი და ჩაბა გალი. "მუხის ფოთლებს" უკრაინასთან, რომლის თავკაცადაც ახლახან საქართველოს ნაკრების ყიფილი მორაგბე ზაზა ლეჟავა დანიშნეს,
მეორე ხაზელი კრისტიან პეტრე უკაპიტნებს.

რუმინეთის ნაკრები
შერკინება: მიჰაი ლაზარი, ბოგდან ზებეგა, ანდეი რადოი, ნიკულაე ნერე, დრაგოშ დიმა, პაულიკა იონი, კრისტიან პეტრე, ვალენტინ პოპირლანი, კოსმინ რატიუ, სტელიან ბურეა, ოვიდიუ ტონიცა, დანიელ კარპო, მიჰაი მაკოვეი.
უკანა ხაზი: ლიჩიან სირბუ, ფლირინ სურუჯუ, დანუც დუმბრავა, კატალინ ფერკუ, იონუც დიმოფტე, კონსტანტინ გეარა, მადალინ ლემნარუ, იულიან დუმიტრაში, ფლორინ ვლაიკუ, კატალინ ნიკოლაე.

ყოველდღიური სპორტული გაზეთი "ლელო"
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული