შოტლანდიის ნაკრების ყოფილი მორაგბე სკოტ ჰასტინგსი, რომელსაც ეროვნულ გუნდში 65 კეპი დაუგროვდა, ექვსი ერის პირველობაზე ბონუს-ქულების სისტემის შემოღებაზე და ტურნირში საქართველოს ჩართვის პერსპექტივებზე საუბრობს BBC Scotland-თან.მნიშვნელოვანი ცვლილება ექვს ერზე: ბონუსები! რა იქნება შემდეგი?
"ძალიან კარგი სიახლეა, წინ გადადგმული ნაბიჯი. ეს გააძლიერებს გამარჯვებისკენ ლტოლვას. როცა იცი, რომ ბონუს-ქულა გაქვს მოსაპოვებელი, თამაში უკეთესი ხდება. ეს კარგია მოთამაშეებისთვის, მაყურებლებისთვის და ტელევიზიისთვისაც.
აქამდე იყო მომენტები, როცა ექვსი ერის მატჩში გუნდები უფრო შენარჩუნებაზე ზრუნავდნენ, ვიდრე მოპოვებაზე".
ჰასტინგსმა ექვსი ერის შესაძლო გაფართოებაზეც ისაუბრა:
"ადრე თუ
შარშან "ტვიტერზე" დავწერე, რომ საქართველოს ექვსი ერის პირველობაზე დამატება შეცდომა იქნებოდა, რომ ეს გუნდი სტადიონზე ბევრ ხალხს ვერ შეკრებდა, მაგრამ მათ რუსეთთან მატჩი 50 ათასი გულშემატკივრის წინაშე ითამაშეს. როგორც ჩანს, სპორტის ეს სახეობა პოპულარულია საქართველოში.
უახლოეს წლებში არა მგონია, შოტლანდიამ ექვსი ერის პირველობისთვის იბრძოლოს, ალბათ, უფრო ამ ტურნირზე დარჩენისთვის ბრძოლა მოუწევს. დარწმუნებული ვარ, რომ ამ დებატების დროც მალე მოვა".
