გთხოვთ, ეს არასოდეს გამოიყენოთ - საქართველოს რაგბის კავშირის წერილი BBC-ის რედაქციას

AutoSharing Option
BBC-ის უელსურმა გამოცემამ საქართველოს შესახებ სიუჟეტი მოამზადა, რომელმაც ქართული მხარის უკმაყოფილება გამოიწვია.

13 ნოემბერს BBC-ის საიტის სპორტულ განყოფილებაში გამოქვეყნდა 16-წუთიანი სიუჟეტი, სადაც ყოფილი მორაგბეები, დევიდ ფლატი და ტომ შენკლინი საქართველოში ჩამოვიდნენ, რომ უფრო მეტი გაეგოთ იმ ქვეყანაზე, რომლის ეროვნული ნაკრები 18 ნოემბერს კარდიფში უელსის ნაკრებს დაუპირისპირდება.

მათი მოგზაურობა ჩვეულებრივი ნამდვილად არ ყოფილა, რადგან ყოფილი მორაგბეები საქართველოს პრემიერ-მინისტრ გიორგი კვირიკაშვილს შეხვდნენ, ხოლო შენკლინი საქართველოს ოლიმპიურმედალოსანს და მსოფლიოს ჩემპიონ გენო პეტრიაშვილს ეჭიდავა.

სიუჟეტის ერთი ნაწილი რუსული ფოლკლორული მუსიკით იყო გაფორმებული.

აღნიშნულთან დაკავშირებით,
საქართველოს რაგბის კავშირმა ოფიციალური წერილით მიმართა BBС-ის რედაქციას, რომელმაც უკვე შეცვალა მუსიკა.

"მადლობა, რომ მთლიანი გადაცემა მიუძღვენით საქართველოს. ჩვენ ვაფასებთ ამ შესაძლებლობას, ვინაიდან მსოფლიომ ბევრი არ იცის საქართველოზე, მის კულტურასა და ტრადიციებზე, მის რაგბიზე, რომლით ჩვენ ასე მიამიტურად ამაყნი ვართ. მესმის, რომ ფორმატი არ იძლეოდა იმის საშუალებას, რომ ბევრი რამე გვეჩვენებინა, მაგრამ ის პატარა ნაჭრები, რომლებიც შეარჩიეთ, არაფერს წარმოადგენს. არც კულტურას, არც ტრადიციებს, არც სპორტსა და არც პოლიტიკას, არც ჩვენს სახალისო მომენტებს. "მადლობა" უნდა გადაგიხადოთ, ვინაიდან ეს ხუმრობა იყო, მაგრამ გთხოვთ, არასოდეს გამოიყენოთ რუსული ფოლკლორული მუსიკალური თანმხლები (განსაკუთრებით, გასაბჭოებული) საქართველოს შესახებ სიუჟეტებში. შეიძლება მახვილი ბრიტანული იუმორი არ გვესმის, მაგრამ მტკივნეულია, როდესაც ჩვენი ქვეყნის შუაგულს, თავისუფლების მოედანს ვუყურებთ და გვესმის მუსიკა, რომელსაც რუსულ სამხედრო ბაზებზე უკრავენ, რომლებიც ჩვენი ქვეყნის ოკუპირებულ ტერიტორიებზეა განთავსებული, თბილისიდან 40 კილომეტრში", - ნათქვამია რაგბის კავშირის წერილში.

Sportall.Ge

გარდა ამისა, რეაგირება მოახდინა მთავრობის კანცელარიამაც.

საინტერესოა ყოფილი მორაგბის, ალექს ჩიქოვანის კომენტარი, რომელიც ამ ამბავს "ფეისბუქის" საკუთარ გვერდზე ეხმაურება:

"ესე იგი, გახსოვთ, ალბათ, გუშინ გაგიზიარეთ BBC Wales-ის უელისი-საქართველოს წინასამატჩო სტატია და რეპორტაჟი საქართველოზე და გამოვთქვი ჩემი აღშფოთება ვიდეოს რუსული ჩასტუშკებით გაფორმებაზე (და არამარტო). როგორც აღმოჩნდა (ეჭვიც არ მეპარებოდა), რაგბის კავშირს Georgian Rugby უკვე მოხდენილი ჰქონია რეაგირება ამ არასასიამოვნო ფაქტზე, იმის მითითებით, რომ ეს უბრალოდ სხვა ქვეყნის მუსიკა კი არ არის, არამედ ოკუპანტის! და განსაკუთრებით მძაფრად ეს ჩვენი დედაქალაქის გულის, თავისუფლების მოედნის კადრების დროს ისმინება! გთავაზობთ მიწერილი წერილის ტექსტს, დიპლომატიურს, თუმცა მკაცრს.
სხვათა შორის, ამ ფაქტზე რეაგირება მოახდინა მთავრობის კანცელარიამაც. მადლობა მათ!
მოკლედ, შედეგად მივიღეთ ის, რომ რუსეთის ოკუპანტობა კიდევ ერთხელ დაფიქსირდა, ვიდეო აიღეს და ცვლიან მუსიკას! მიაწვაააააააააა!
P.S. ჩემი მწარე კომენტარი არ გამოაქვეყნეს, მომწერეს, ისედაც მაგრად დაგვიფინეს და არ გამოვაქვეყნებთ ამიტომო".

Sportall.Ge
მკითხველის კომენტარები / 19 /
სულიერად რო მაგრები ხართ იმიტომ მიგდით საქმე კარგად. მიაწექით თქვენ შემოგევლეთ და როცა უელსის გუნდს დაამარცხებთ მაშინ ქართული ფოლკლორის მუსიკებს დადებენ.
ამერან ჯოლოხავა
11:36 17-11-2017
0
ტიფლის ვერანდაზე იმ ულამაზეს ადგილას რომ ჟღერს რუსული ფოლკლორი იმას რა ვუყოთ??? შუაგულ ქალაქში
Tamari
01:42 17-11-2017
0
სიახლეები პოპულარული