ვლადიმერ ბოისა არჩევნების შემდეგ: არანაირი უსამართლობა არ ხდება

AutoSharing Option
სასტუმრო "ქორთიარდ მარიოტში" საქართველოს კალათბურთის ფედერაციის საპრეზიდენტო არჩევნები გაიმართა. ხმათა უმრავლესობით პაატა გურასპაულმა გაიმარჯვა.

კენჭისყრის შემდეგ თავისი პირველი კომენტარი Sportall.ge-სთან ვლადიმერ ბოისამ გააკეთა:

- როგორია თქვენი პირველი შეფასება ფედერაციის ახალ პრეზიდენტთან დაკავშირებით?
- ვულოცავ პაატა გურასპაულს ამ წარმატებას და მიხარია, რომ 80%-მა დაუჭირა მას მხარი. საკალათბურთო სამყარო არის ერთიანი და არანაირი უსამართლობა არ ხდება. მჯერა, რომ ის 2-3 თვე რაც იყო, კალათბურთისა და ფედერაციის წინააღმდეგ, აღარ განმეორდება. მჯერა, პაატა გურასპაული გააკეთებს იმას, რაც ჩვენ ვერ გავაკეთეთ და კალათბურთის მომავალი წლები
უფრო წარმატებული იქნება.

- შიო ხეცურიანის ბრალდებებს რას უპასუხებთ, რომ არჩევნები წარიმართა უსამართლო გარემოში?
- რა საშუალებებიც ჩვენ გვქონდა, იმის გათვალისწინებით, ჩვენ კარგათ ვიმუშავეთ. მე ძალიან კმაყოფილი ვარ საქართველოს კალათბურთის ფედერაციის მუშაობით და ვიცი, რა ძნელია აქ მუშაობა. ჩვენ მაქსიმუმი გავაკეთეთ იმისთვის, რომ საქართველოს წარმატებისთვის მიეღწია.

ამიტომ არ არის სწორი ლაპარაკი, რომ საქართველოს კალათბურთის ფედერაცია ცუდად მუშაობს და კატასტროფული სიტუაციაა. მშვენიერი სიტუაციაა და მჯერა, შემდეგი 4 წელიწადი უკეთესი იქნება.
მკითხველის კომენტარები / 2 /
რა გინდა შენს ზმას ნაკრებში გარანტირებული აქვს
ადგილი
შოთა გუგეშაშვილი
17:01 11-12-2017
1
შეხედე როგორ გამოვიდა დინამო ევროასპარეზზე და შემდეგ აღნიშნე როგორი მშვენიერი სიტუაციაა!
dato
16:39 11-12-2017
1

ასევე დაგაინტერესებთ
სიახლეები პოპულარული