A ლიგის საკვალიფიკაციო ტურნირი “ზაზას” ტექნიკური და “კავკასიის” 35-ქულიანი გამარჯვებებით დაიწყო

AutoSharing Option
დაიწყო A ლიგის საკვალიფიკაციო ტურნირი, რომელშიც 4 გუნდი დარეგისტრირდა, თუმცა კლუბ “რაზმს” პრობლემები შეექმნა და დღეს, პირველ მატჩზე, “ზაზა ფაჩულიას აკადემიასთან” სათამაშოდ ვერ გამოცხადდა. შესაბამისად, ტექნიკური წაგება – 0:20 ჩაეთვალა.

მეორე შეხვედრა კავკასიის საერთაშორისო უნივერისტეტის გუნდსა და კლუბ “თბილისს” შორის გაიმართა. მატჩი თანაბრად კი დაიწყო, თუმცა კავკასიელთა უპირატესობა მალევე გამოიკვეთა და ანგარიშში სხვაობის ზრდაც დაიწყო. ლევან ტყეშელაშვილის გაწვრთნილმა კავკასიის უნივერსიტეტელებმა ყველა პერიოდი მოიგეს და საბოლოოდ დამაჯერებელი ანგარიშით – 91:56 იმარჯვეს.

“კავკასიაში” 17 ქულით საუკეთესო იყო ამერიკელი ლეგიონერი რაიან აარონი. 15
ქულა მიითვალა გიგი მელაძემ, ნიკა ღონღაძის ანგარიშზე კი 12 ქულა დაგროვდა. “თბილისში” 14 ქულით ალექსანდრე მეგენეიშვილი გამოირჩა.

შეგახსენებთ, რომ საკვალიფიკაციოს ჯგუფური ეტაპი ერთ წრედ ჩატარდება, რის შემდეგაც 2 საუკეთესო ფინალში გავა. 2-მატჩიანი სერიის მომგები გუნდი კი “ა” ლიგის საგზურს მოიპოვებს, ხოლო ფინალის წამგები “ა” ლიგის გასული სეზონის აუტსაიდერ სეუ-ს დამატებით საკვალიფიკაციო რაუნდში შეხვდება ლიგის ბოლო საგზურის მოსაპოვებლად.

10 დეკემბერს, ოლიმპიურ სასახლეში “თბილისი” – “რაზმს” (17:45) შეხვდება, ხოლო 19:30 საათზე “ზაზა” “კავკასიას” დაუპირისპირდება.

მომზადებულია gbf.ge-ს მიხედვით

მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული