თბილისის 16-წლამდელთა ჩემპიონატში ნახევარფინალისტები გამოვლინდნენ

AutoSharing Option
დასასრულს უახლოვდება თბილისის 16-წლამდელთა ჩემპიონატი, რომლის ორგანიზატორიც დედაქალაქის კალათბურთის განვითარების კავშირი, ხოლო მხარდამჭერი საქართველოს კალათბურთის ეროვნული ფედერაცია გახლავთ. ოლიმპიურ სასახლეში გამართული მეოთხედფინალების შემდეგ ტურნირის 4 საუკეთესო გუნდი გამოვლინდა, რომლებიც 9 ნოემბერს ერთმანეთს ნახევარფინალში დაუპირისპირდებიან.

მეოთხედფინალები ვერ გამოდგა დაძაბული. "ზაზა 1"-მა 83:58 სძლია "ოვერტაიმს", ხოლო "ჰიუნდაიმ" "მართვეს" არ დაუტოვა შანსი - 87:56. დინამოელებმა 24 ქულით სძლიეს "ორბს", ხოლო ყველაზე დიდი სხვაობა "აკადემიასა" და "ზაზა 2"-ს შორის დაფიქსირდა. აკადემიელებმა 106:56 სძლიეს მეტოქეს და ნახევარფინალში "დინამოს" შეუწყვილდნენ. მეორე წყვილში ერთმანეთს "ზაზა 1" და
"ჰიუნდაი" დაუპირისპირდებიან.

დღეს, ნახევარფინალში მოგებული გუნდები 10 ნოემბერს ერთმანეთს ფინალში დაუპირისპირდებიან, ხოლო წაგებულები დედაქალაქის ბრინჯაოს მედლებს გაითამაშებენ.
Sportall.Ge

GBF.GE

მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული