დუდუ დადიანის მემორიალური ტურნირი თბილისის ოლიმპიურ სასახლეში გუშინ დაიწყო. შეჯიბრების მონაწილე 9 გუნდი 3 ჯგუფშია გადანაწილებული, რომლებიც ნახევარფინალში გასასვლელად იბრძვიან.გუშინ ჩატარდა პირველი ტურის მატჩები. პირველ შეხვედრაში "თსუ-ჰიუნდაიმ" "მგზავრებს" სძლია. დუდუ დადიანის მემორიალი დაზვერვით ხასიათს ატარებს და სეზონის წინ გუნდები საკუთარ და მეტოქე გუნდების ძალებს აფასებენ. ახალი ლეგიონერები საქმეში პირველად იცდებიან, რის შემდეგაც ნაწილს კონტრაქტებს უფორმებენ, ნაწილს კი ემშვიდობებიან.
"თსუ-ჰიუნდაის" ლეგიონერები არ ჰყავს. ნიკოლოზ ჩერქეზიშვილის გუნდის ბირთვს 20-წლამდელთა ნაკრების მოთამაშეები შეადგენენ, რომლებმაც ლაღი თამაშის წყალობით "მგზავრები" დაამარცხეს - 85:66.
მეორე
გამარჯვებულებს 24 ქულით, 7 მოხსნითა და 6 პასით ხუან ვოლტერმა ულიდერა. 25 ქულა, 6 მოხსნა და 5 პასი დაგროვდა უკრაინელი მაკსიმ ლუცენკოს ანგარიშზე. მარნეულელთაგან 20 ქულითა და 7 მოხსნით არტიომ შვეცი გამოირჩა.
ბოლო შეხვედრაში "ოლიმპმა" "კაკტუსს" შანსი არ დაუტოვა და 87:66 მოუგო. თანაბარი პირველი პერიოდის შემდეგ ოლიმპელებმა უპირატესობა მოიპოვეს და 20 ქულით დაწინაურდნენ. მესამე მეოთხედში უპირატესობამ 35 ქულას მიაღწია და შეხვედრამ ინტერესი დაკარგა.
ოლიმპელებს 16 ქულითა და 15 მოხსნით მარკ ენტონიმ ულიდერა. 13-13 ქულა დააგროვეს ნიკა დარბაიძემ და რეზო როგავამ. მორის ჰილის ანგარიშზე 10 ქულა და 8 მოხსნაა. "კაკტუსში" 13 ქულითა და 8 მოხსნით საუკეთესო იყო დავით ლომიძე.
2 ოქტომბერს, ოლიმპიურ სასახლეში 3 მატჩი გაიმართება: "რუსთავი"-"კაკტუსი", თსუ-"დინამო" და "ქუთაისი"-"დელტა".
დუდუ დადიანის მემორიალი 2017
1-ლი ოქტომბერი
მგზავრები-თსუ 66:85
16:17, 15:23, 7:21, 28:24
მგზავრები: ჯინჭარაძე (8ქ), ს. სანაძე (11ქ, 3პ), ღურწკაია (3ქ), ალხანაიძე (14ქ, 9მ), ნუცუბიძე (3ქ, 6მ), ლომინაშვილი (4ქ), დ. ბარბაქაძე (12ქ, 4პ), ნვალი (6ქ, 10მ), აკობია (5ქ, 7მ).
თსუ: აფხაზავა (14ქ, 6პ), ჩეჩელაშვილი (17ქ, 5მ), კორსანტია (28ქ, 14მ, 3პ), მაისურაძე (3ქ, 9მ), ზოლინი, ფიფია (5ქ), ფევაძე (10ქ, 7მ), ლოლიშვილი (8ქ, 5მ, 6პ), ჯაფარიძე.
დელტა-სოხუმი 77:94
28:25, 22:25, 11:23, 16:21
დელტა: ს. ლეჟავა (3პ), ნილი (13ქ, 7პ), ვახანია (5ქ), ელიაძე (6ქ), ბონდუმელი (11ქ), რეი (2ქ), კენჭიაშვილი (5ქ), კრაფტი (5ქ), გოგაძე (5ქ), ლობჟანიძე (5ქ, 4პ), ანთაძე (2ქ, 5მ, 3პ), შვეცი (20ქ, 7მ).
სოხუმი: კვეტენაძე, ჩელოვანი (15ქ), ლუცენკო (25ქ, 6მ, 5პ), ლ. რევაზაშვილი (9ქ, 5მ), ყეინაშვილი, ხუანი (24ქ, 7მ, 6პ, 4ჩ), ლ. ბულიავა, პრიმაკი (11ქ), ზუზაძე, ბოგდანი (4ქ, 4პ), მ. რევაზაშვილი (6ქ, 6მ, 3პ).
კაკტუსი-ოლიმპი 66:87
14:22, 15:24, 11:27, 26:14
კაკტუსი: ჰარკსი (9ქ, 5პ), ბოისა (6ქ), ტურძელაძე (6ქ), ლ. ლოლიშვილი (3ქ), ამონაშვილი, ჯონსონი (12ქ, 6მ), ლომიძე (13ქ, 8მ, 3პ), უარდი (11ქ, 8მ), გოგალაძე (6ქ).
ოლიმპი: გივი ბაქრაძე (7ქ, 3პ), ბოლქვაძე (7ქ), როგავა (13ქ, 5პ), გეგი ბაქრაძე, ცხოვრებოვი (4პ), ბოქოლიშვილი (7ქ), პულუზაშვილი (6ქ, 5მ), გუგეშაშვილი, ჭოჭუა (8ქ), დარბვაიძე (13ქ, 6მ), ჰილი (10ქ, 8მ, 5ჩ), ენტონი (16ქ, 15მ).
(იბეჭდება მცირე ცვლილებით)
ყოველდღიური სპორტული გაზეთი "ლელო"
