ALL STAR-ის გუნდის წევრებისა და კაპიტნების ვინაობა ცნობილია!

ALL STAR-ის გუნდის წევრების და კაპიტნების ვინაობა ცნობილია. აღმოსავლეთს ლებრონ ჯეიმსი უკაპიტნებს, ხოლო დასავლეთს - სტეფ კარი.

აღნიშნული გადაწყვეტილება გულშემატკივრებისა და მედიის მხრიდან ხმის მიცემით გახდა ცნობილი.

მათი ხმებიდან საშუალო მაჩვენებელი გამოჰყავთ, რითაც თითოეული კალათბურთელი ფასდება.

აღმოსავლეთ და დასავლეთ კონფერენციის გუნდების ნაცვლად წელს ორი კაპიტნის მიერ არჩეული მოთამაშეებისგან დაკომპლექტებული გუნდები დაუპირისპირდებიან ერთმანეთს.

კაპიტნები გუნდს გულშემატკივრების, სპორტული ჟურნალისტებისა და თავად კალათბურთელების ხმის მიცემით გამოვლენილი მოთამაშეებისგან დააკომპლექტებენ. კაპიტნები ხმების მიხედვით დასავლეთ და აღმოსავლეთ კონფერენციის გამარჯვებულები არიან.

აღმოსავლეთის სასტარტო ხუთეული ასე გამოიყურება:

ლებრონ ჯეიმსი (კლივლენდი), იანის ანტეტეკუმპო (მილუოკი), დემარ დეროუზანი (ტორონტო), ჯოელ ემბიდი (ფილადელფია), კაირი ირვინგი (ბოსტონი).

დასავლეთის სასტარტო ხუთეული კი ასეთია:

სტეფ კარი (გოლდენ სტეიტი), ენტონი დევისი (ნიუ ორლეანი), დემარკუს კაზინსი (ნიუ ორლეანი), კევინ დურანტი (გოლდენ სტეიტი), ჯეიმს ჰარდენი (ჰიუსტონი).

"ყველა ვარსკვლავის" ხმის მიცემის შედეგები აღმოსავლეთ კონფერენციაში ასე გამოიყურება:



დასავლეთში კი ასეთი სიტუაციაა:



ALL STAR-ის შეხვედრა, რომელიც ისტორიაში 67-ედ გაიმართება, 18 თებერვალს, ლოს-ანჯელესის "სტეიპლს ცენტრში" შედგება.

მისი ნახვის საშუალება 200-ზე მეტ ქვეყანას, 40 ენაზე შეეძლება.