21 დეკემბერს, გამთენიისას, ჩვენი დროით 07:25 საათზე, ქართულმა ანსამბლმა "შვიდკაცამ" ზაზა ფაჩულიას გუნდის, "გოლდენ სტეიტის" საშინაო სტადიონ Oracle Arena-ზე "მემფისთან" მატჩის დაწყებამდე აშშ-ის ჰიმნი შეასრულა.
ანსამბლის ღონისძიებაში მონაწილეობის მხარდამჭერია "გალფი".
მატჩის დაწყებამდე კი მაყურებლებს ზაზას სათამაშო Bubble Head-ები დაურიგდათ.
გარდა ამისა, "შვიდკაცამ" შეხვედრის დიდ შესვენებაზე საქართველოს ეროვნული ჰიმნი და "მრავალჟამიერი" შეასრულა.
რაც შეეხება მატჩს, ზაზა ფაჩულიას ტრავმის გამო არ უთამაშია, მაგრამ ის შეხვედრას დაესწრო. "გოლდენ სტეიტმა" კი "მემფისი" 97:84 დაამარცხა.
ვიდეო და ფოტო: "გალფის" "ფეისბუქგვერდი"