მანუჩარ მარკოიშვილის "რეჯიო ემილიმა" მიმდინარე სეზონში პირველი გამარჯვება ევროტურნირზე მოიპოვა. ემილიელები იტალიის სერია "ა"-ში მოუგებლად არიან, გამარჯვების გემო კი პირველად ევროთასზე გაიგეს.
"რეჯიო ემილიამ" თურქულ "გალათასარაის" უმასპინძლა და დაძაბულ ბრძოლაში - 74:71 დაამარცხა. მარკოიშვილი სასტარტო ხუთეულში იყო და 24:48 წუთში 7 ქულა, 1 მოხსნა და 2 პასი მოაგროვა. მანუჩარმა 4-დან 2 ორქულიანი და 3-დან 1 სამქულიანი ჩააგდო, 4 პერსონალური ფოლი მიიღო, მის წინააღმდეგ კი ერთხელ დაჯარიმდნენ.
"რეჯიო ემილიას" რიგებში იტალიელი ამედეო დელა ვალე (27 ქულა, 5 პასი) და ამერიკელი ჯეილენ რეინოლდსი (23 ქულა, 14 მოხსნა) გამოირჩნენ, რომელთაც ჯამში 50 ქულა მიითვალეს.
იტალიური კლუბი ევროთასის ჯგუფში მე-3 ადგილზე იმყოფება, მომდევნო მატჩს კი 25 ოქტომბერს, ლიტვაში, პანევეჟისის "ლიეტკაბელისთან" ჩაატარებს.
მომზადებულია GBF.GE-ს მიხედვით
10:27 19-10-2017
მანუჩარ მარკოიშვილის 7 ქულა და გამარჯვება "გალათასარაისთან" [VIDEO]
AutoSharing Option
მკითხველის კომენტარები / 1 /
მოწონებების მიხედვით
თარიღის მიხედვით
გამოირჩნენ კი არა - გამოირჩეოდნენ.
0
0
ყველა კომენტარი
გააკეთეთ კომენტარი
ასევე დაგაინტერესებთ
უძრავი ქონება
სიახლეები
პოპულარული
