საქართველოს კალათბურთელთა ნაკრები რუსეთთან 32 ქულის სხვაობით დამარცხდა

AutoSharing Option
საქართველოს კალათბურთელთა ეროვნულმა ნაკრებმა, რომელიც ევრობასკეტი 2017-ის შესარჩევი ციკლისთვის ემზადება, დღეს, 6 აგვისტოს რუსეთში საერთაშორისო ამხანაგური ტურნირის მეორე მატჩი გამართა.

ილიას ზუროსის გუნდის მეორე მეტოქე მასპინძელი რუსეთის ეროვნული ნაკრები იყო, რომელთანაც ჩვენი გუნდი ანგარიშით 94:62 დამარცხდა. პირველი ორი მეოთხედის შემდეგ საქართველოს ნაკრები მეტოქესთან მხოლოდ 2 ქულას აგებდა, მაგრამ მესამე მეოთხედში მასპინძლებმა უპირატესობა ხელთ იგდეს, რაც საბოლოო შედეგზეც აისახა.

საუკეთესო საქართველოს კალათბურთელთა ეროვნულ ნაკრებში გიორგი შერმადინი იყო, რომელსაც 17 ქულა დაუგროვდა.

2 წამყვანი კალათბურთელის - ზაზა ფაჩულიასა და მანუჩარ მარკოიშვილის გარეშე
მყოფმა საქართველოს ეროვნულმა ნაკრებმა მოსკოვში, თითქმის სავსე "ხიმკის" დარბაზში ოპტიმალური შემადგენლობით მყოფ რუსეთს პირველი პერიოდი 25:17 მოუგო, ხოლო დიდი შესვენებისთვის ოდენ 2 ქულას აგებდა.

შესანიშნავად ჩატარებული პირველი ნახევრის შემდეგ, ილიას ზუროსის გაწვრთნილმა ქართველებმა მესამე პერიოდი ჩააგდეს, რასაც ძირითადი გამთამაშებლის, გიორგი ცინცაძის ტრავმა დაერთო და საბოლოოდ მასპინძლებმა დიდი სხვაობით - 94:62 წააგეს.

ილიას ზუროსი სულ იმეორებს და ყველასაც კარგად მოეხსენება, რომ მოსამზადებელ მატჩებში დამარცხება არაფერს ნიშნავს. ოფიციალურ მატჩებამდე გამართული ნებისმიერი მატჩი მხოლოდ მოსამზადებელია და სწორედ ასეთ შეხვედრებში მართებს მწვრთნელს გუნდის დალაგება.

უფრო ზუსტად, ამგვარ მატჩებში დანახული ხარვეზების აღმოფხვრაა მთავარი და ამ მხრივ, ილიას ზუროსისთვისა და მისი სამწვრთნელი შტაბისთვის ძალიან სასარგებლო იყო აღნიშნული შეხვედრა.

ცა და დედამიწასავით განსხვავებულად ნათამაშები ტაიმები კარგი გაკვეთილია მწვრთნელებისთვის, რათა დაინახონ ჩვენი გუნდის პლუს-მინუსები და ოფიციალურ მატჩებამდე დარჩენილ 7 მატჩში მაქსიმალურად შეეცადონ მათ აღმოფხვრას.

მაგალითად, ერთ-ერთი კომპონენტი, რომლის მაქსიმალურად განეიტრალებაც ქართველებს დასჭირდებათ, შორი სროლებია. რუსებმა 14 სამქულიანი ჩაგვიგდეს და ძირითადი კომპონენტიც, რის ხარჯზეც მოგვიგეს, ესაა.

საქართველოს ნაკრებს 14 სამქულიანი იშვიათად თუ მიუღია. რუსებს, როცა უიმედოდ აგებდნენ, შვებად სწორედ შორი სროლები გამოუჩნდათ.

რუსეთს ქართველები კიდევ შეხვდებიან - თბილისის მერიის ტურნირზე, 14 აგვისტოს და იმ მატჩში ჩვენებს ზაზა ფაჩულია ეყოლებათ. სწორედ ზაზას და მანუჩარ მარკოიშვილის არყოფნას გაუსვა ხაზი ჩვენთან კომენტარში რუსეთის კალათბურთის ფედერაციის პრეზიდენტმა ანდრეი კირილენკომ.
იხილეთ კომენტარები
Sportall.Ge

საქართველოს ნაკრები მოსკოვს 7 აგვისტოს, საღამოს დატოვებს და თბილისში დაბრუნდება.

6 აგვისტო. ამხანაგური მატჩი. მოსკოვი. ხიმკი

რუსეთი-საქართველო 94:62
17:25, 22:12, 30:12, 25:13

Sportall.Ge

მომზადებულია gbf.ge-ს მიხედვით
მკითხველის კომენტარები / 22 /
ნაკრები რა შემადგენლობითაც არ უნდა თამაშობდეს 32 ქულით არ უნდა აგებდეს გასაგებია მოსამზადებელი პერიოდია მაგრამ მაინც მე მგონი მაინც კოკოშკოვს რომ გაეგრძელებინა მუშაობა ჯობდა თუ ვცვლიდით უფრო მაღალი დონის მწვრთნელი უნდა მოგვეყვანა
jora
09:53 08-08-2016
0
ბიძია შენ,როგორ მსჯელობ,გეუბნები სომხებმა ამ რამდენიმე დღის წინ გააფარჩაკეს ჩვენი 20 წლამდელები ევრობასკეტზე,ჩვენი კალათბურთის ხვალინდელი დღე,იცი ეს რას ნიშნავს,რა ფედერაცი,რის წინსვლა,ცოტა აზრზზე მოდით რა,სირცხვილია ეს ყველაფერი,რასაც შენ და სენისთანები აკეთებთ,ყველაფერს თავისი სახელი უნდა დაერქვას,კარგზე უნდა ითქვას კარგი,ცუდზე უნდა ითქვას ცუდი,ზუროსი,რაც არის ცოტა ხანში გამოჩნდება და მასზე მერე ვილაპარაკოთ,ღმერთმა ქნას ყველაფერი კარგად იყოს,მაგრამ რაღაც არამგონია,კოჭებში ეტყობა მას ვინც არის,ის,რომ მაგარი დამრიგებელი იყოს საქართველოში მას ვინ გამოუშვებდა,ხო ლოგიკიკურია არა,მეორც ბარსელონას,რომ ადარებ ჩვენს ნაკრებს,ბარსელონა მსოფლიოს ერთ-ერთი საუკეტესო გუნდია,ხილო ჩვენებს ბარსელონამდე ბევრი აკლიათ,ასე,რომ საქმეს შველა უნდა და არა წაყრუება,თორემ ფეხბურთივით მერე გვიან იქნება.
ნიკოლოზი-ს
19:43 07-08-2016
0

სიახლეები პოპულარული