გამოცემა "სპორტანდომ" მეტად საინტერესო ინფორმაცია გაავრცელა, რომლის თანახმად, საქართველოს ნაკრების მთავარი მწვრთნელობის კანდიდატად ბერძენი სპეციალისტი ილიას ზუროსი განიხილება. მიმდინარეობს თუ არა მოლაპარაკება და თუ მიმდინარეობს, რა ეტაპზეა, ამის შესახებ "სპორტანდო" არაფერს იუწყება.
ილიას ზუროსს მრავალფეროვანი კარიერა აქვს, როგორც საკლუბო, ასევე სანაკრებო დონეზე საკმარისად გამოცდილია. 2011 წელს საბერძნეთის ნაკრებს ევრობასკეტზე გაუძღვა და ამ გუნდთან ერთად 2012 წლის ოლიმპიადაზეც იმუშავა.
საინტერესოა, რომ გიორგიოს კეცელიდისთან ერთად ლიტვურ "ჟალგირისშიც" მუშაობდა. 2014-15 წლებში კი თურქული "თოფაზის" მთავარი მწვრთნელი იყო.
(იბეჭდება მცირე ცვლილებით)
ყოველდღიური სპორტული გაზეთი
გასულ წელს დაინიშნა თურქეთის სუპერლიგაში ბოლო ადგილზე გასული ბურსას "თოფაზი"-ს მთავარ მწვრთნელად. ამჟამად, მისი გუნდი პირველ ლიგაშია და 16 მატჩიდან ყველა მოგებული აქვს. ასე რომ, თუ მართლა მიმდინარეობს მოლაპარაკება და დაგვთანხმდა, წარმატებები ვუსურვოთ.