11:11. "მირორის" ინფორმაციით, "ლივერპულს" მოსკოვის "სპარტაკიდან" ჰოლანდიის ნაკრების შემტევის, კვინსი პრომესის გადაბირება სურს. ტრანსფერის ალბათობას ის ზრდის, რომ სენეგალელი სადიო მანე აფრიკის თასზე მიდის სათამაშოდ. ჰოლანდიელს პრემიერლიგის სხვა კლუბებიც აკვირდებიან.11:17. თუ ანტუან გრიზმანი "მანჩესტერ იუნაიტედში" გადავა, მაშინ დიეგო სიმეონე "არსენალის" ჩილელ ლიდერს, ალექსის სანჩესს იყიდის - წერს "დონ ბალონი".
11:23. "ვალენსიამ" გაათავისუფლა კლუბის სპორტული დირექტორი ხესუს გარსია. მან კლუბში ერთწლიანი მუშაობის დროს არაერთი მწვრთნელი გააგდო და კლუბი ჩეზარე პრანდელის გარეშე დატოვა.
11:27. "მანჩესტერი" არ გაანათხოვრებს მემფის დეპაისა და მორგან
11:33. "გალათასარაის" "ზენიტის" ბელგიელი მცველის, ნიკოლას ლომბერტსის გადაბირება სწადია და სტამბოლში გადასვლას არც ფეხბურთელი უარობს.
11:36. "დეილი მეილის" ინფორმაციით, "მანჩესტერი" მორგან შნეიდერლინის სანაცვლოდ 23,3 მილიონ ევროს ითხოვს. ფეხბურთელის შეძენის მთავარი პრეტენდენტი "ევერტონია".
11:42. "მილანის ვიცე-პრეზიდენტმა ადრიანო გალიანიმ განაცხადა, რომ ბრაზილიელი ფორვარდი ლუის ადრიანო "სპარტაკში" გადავა. "არანაირი პრობლემა ამ ტრანსფერთან დაკავშირებით", - უთხრა გალიანიმ ტას-ს.
11:47. "დეილი მირორის" ცნობით, "ტოტენჰემის" ვარსკვლავის, დელე ალის გადასაბირებლად "რეალი" და "ბარსელონა" იბრძვიან. ესპანური გრანდები მზად არიან, ფეხბურთელის სანაცვლოდ 82 მილიონი ევრო გაიღონ.
11:55. "ჩელსის" მთავარი მწვრთნელი ანტონიო კონტე, ალბათ, დაიბრუნებს "ბორნმუთში" განათხოვრებულ ცენტრალურ მცველს, ნათან აკეს.
11:59. ჯეკ უილშირმა, ვინც კარგია "ბორნმუთში", "ევერტონის" ყურადღება მიიპყრო.
12:01. "ბრენტფორდმა" 11,5 მილიონ ევროდ არ მიჰყიდა "ვესტ ჰემს" ფორვარდი სკოტ ჰოგანი.
12:11. "დეილი სტარის" ინფორმაციით, ჩინელებს "სტოკის" ფორვარდის, ვილფრიდ ბონის გადაბირება სურთ.
12:15. იტალიელი ფორვარდის, სიმონე ძაძას ყიდვა "ვალენსიას" აღარ გამოსდის. ფეხბურთელი ალბათ "ფიორენტინაში" აღმოჩნდება. თავის მხრივ, "იებმა" თითქმის გაყიდეს მთავარი ფორვარდი ნიკოლა კალინიჩი ჩინურ "ტიანძინში". ძაძა ჯერ იჯარით გადავა "ფიორენტინაში" და კლუბთან სრულფასოვან კონტრაქტს გააფორმებს, თუ ფლორენციულ კლუბში სეზონის მეორე ნახევარში 15 მატჩს მაინც ჩაატარებს.
12:25. "სასუოლოს" მცველი ფრანჩესკო აჩერბი შესაძლოა, ინგლისში გადავიდეს. "გაძეტა დელო სპორტის" ინფორმაციით, მისი სამსახურით "სანდერლენდი" და "ვესტ ბრომვიჩი" არიან დაინტერესებულები.
12:40. მაურისიო პოჩეტინომ შესაძლოა, "ბარსელონა" ჩაიბაროს. "დეილი სტარის" ინფორმაციით, სწორედ არგენტინელი შეცვლის ლუის ენრიკეს, თუ ის ხელშეკრულებას არ გააგრძელებს კატალონიურ გრანდთან.
12:46. "სევილიამ" შესაძლოა, მამადუ სახო გადაიბიროს "ლივერპულიდან", რომელიც მერსისაიდული გუნდის შემადგენლობაში ვეღარ ხვდება. ანდალუსიელებს მისი იჯარით აყვანა უნდათ. სახოს სამსახურით "საუთჰემპტონიცაა" დაინტერესებული.
13:08. "მანჩესტერს" "კიევოს" მეკარე ალესანდრო კონფენტე აინტერესებს. 18 წლის მეკარეს "იუვენტუსიც" აკვირდება.
13:12. "ლას პალმასი" ახალგაზრდა არგენტინელ ერნან ტოლედოსთან გააფორმებს კონტრაქტს. ის ამ დროისათვის "ფიორენტინაში" ირიცხება. მას ფლორენციულ გუნდში დამკვიდრება ტრავმებმა არ დაანება.
13:17. ვეტერანი პორტუგალიელი მცველი რიკარდო კარვალიო ჩინურ "შანხაიში" გადადის. ის კლუბის საწვრთნელ ბაზაზე უკვე გამოჩნდა. ამ გუნდში თამაშობენ ოსკარი და ჰალკი, მწვრთნელი კი ანდრე ვილაშ-ბოაშია.
13:26. ალჟირელი სოფიან ფეგული "ვესტ ჰემიდან" რომაში გადასვლასთანაა ახლოს. "რომა" მზადაა, ფეხბურთელში 8 მილიონი ევრო გადაიხადოს, "ვესტ ჰემი" კი თორმეტზე დგას.
13:33. "ბარსელონას" მცველმა ალეიშ ვიდალმა "გალათასარაიში" გადასვლა იუარა. როგორც ჩანს, ტერორისტების შეეშინდა.
13:37. 17 წლის კალვინ ჩილუმბა ფრანგული "ლევალუადან" "ტოტენჰემში" გადავა. ამის თაობაზე "ეკიპი" წერს.
13:49. თითქმის გადაწყდა, რომ ლუკაშ პოდოლსკი "გალათასარაიდან" ჩინურ "ბეინციან გუანში" გადავა. თურქული კლუბის დირექტორმა ლავენ ნაზიფოღლუმ თქვა, რომ მოლაპარაკება ჯერ არ დასრულებულა, მაგრამ პოდოლსკი ამ კვირაში წავა ჩინეთში ან თურქეთში დარჩება.
14:01. "კალჩომერკატოს" ინფორმაციით, იაპონელი მცველი იუტო ნაგატომო დატოვებს იტალიურ "ინტერს" და პრემიერლიგაში გადაბარგდება. იუტოს შეძენა "ბარნლის" და "სანდერლენდს" სურთ.
14:05. მარტ უტი, ვინც "ჰოფენჰაიმში" თამაშობს, შესაძლოა, "ტოტენჰემში" აღმოჩნდეს. ამის თაობაზე "კიკერი" წერს.
14:18. "ჩელსის" "სუონსის" ესპანელი შემტევის, ფერნანდო ლორენტეს ყიდვა უნდა. ლონდონელები მზად არიან, უელსში რომელიმე ფეხბურთელი მიავლინონ. "სუონსი" ყოყმანობს.
14:27. "ვესტ ბრომვიჩის" თვალთახედვის არეში მოექცნენ "ნაპოლის" შემტევი მანოლო გაბიადინი და "სპორტინგის" საყრდენი ვილიამ კარვალიო. ამის თაობაზე "დეილი მეილი" წერს.
14:36. "რენის" შემტევის, პოლ-ჟორჟ ნტეპის წაყვანა "სუონსის" უნდა.
14:40. "დეილი მირორის" ინფორმაციით, ალექსის სანჩესმა "არსენალთან" ახალ კონტრაქტზე მოლაპარაკება შეწყვიტა. მან ხელსაყრელი წინადადება მიიღო "სენ ჟერმენიდან". მან უარი თქვა "მეთოფეების" შეთავაზებაზე, მიეღო კვირაში 230 ათასი ევრო. ფრანგები ჩილელს მეტს სთავაზობენ.
15:00. "ლა ნაციონე" წერს, რომ შესაძლოა, "რომამ" და "ფიორენტინამ" ფეხბურთელები გაცვალონ - ლეანდრო პარედესი და მილან ბადელი.
15:95. ნათან აკე ოფიციალურად დაბრუნდა "ბორნმუთიდან" "ჩელსიში".
15:08. ფრანგული მედია წერს, რომ მამადუ სახო შეიძლება "ლიონში" აღმოჩნდეს. მისი შეძენა "ლილს" და "მარსელსაც" უნდათ.
15:10. "უოტფორდის" კაპიტანმა ტროი დინმა ჩინური შეთავაზება მიიღო.
15:22. მუსა დემბელე ბედნიერია "სელტიკში". მან უარით გაისტუმრა მისით დაინტერესებული "ვესტ ჰემი".
15:26. "სქაი სპორტის" ცნობით, "ლივერპულმა" აცნობა "სევილიას", რომ მამადუ სახოს მხოლოდ 23 მილიონ ევროდ შეელევა.
15:30. "მუნდო დეპორტივო" წერს, რომ თუ დარიო სრნა "ბარსელონასთან" 1,5-წლიან კონტრაქტს გააფორმებს, ის წელიწადში 2 მილიონ ევროს მიიღებს.
15:39. დიდი შანსია, "ტოტენჰემის" შემტევი ჟორჟ-კევინ ნკუდუ იჯარით გადავიდეს "რომაში".
15:47. "ფრანს ფუტბოლის" ცნობით, "სენ-ჟერმენის" ტალანტი ჟონათან იკონე თითქმის მოელაპარაკა ტრანსფერზე "ლილს".
16:12. "იუვენტუსი" ბრანისლავ ივანოვიჩსა და გაელ კლიშის აკვირდება. საინტერესოა, რომ მათი კონტრაქტები "ჩელსისთან" და "სიტისთან" სრულდება.
16:18. "ბაიერნმა" ფილიპ ლამის შემცვლელი იპოვა. ის იქნება "ბენფიკას" მცველი ნელსონ სემედუ. სემედუს "მანჩესტერიც" აკვირდება. მისი სატრანსფერო ფასი 60 მილიონი ევროა.
16:25. ადამ ლალანამ "ტოტენჰემიდან" მიიღო წინადადება. ამიტომ "ლივერპული" მას ხელფასს უზრდის. ის კვირაში 140 ათას გირვანქას მიიღებს.
16:44. დონეცკის "შახტარის" ყოფილი ფორვარდის, ედუარდოს გადაბირება "ტრაბზონსპორს" სურს. ფეხბურთელი წინააღმდეგი არ არის.
16:46. ბრაზილიის ნაკრების ყოფილი ფეხბურთელი ფელიპე მელო ოფიციალურად შეუერთდა "პალმეირასს".
16:50. "ჩვენ არ ვიყიდით ახალ ცენტრალურ მცველს. ველოდები ერიკ ბაილის დაბრუნებას აფრიკის თასიდან", - თქვა ჟოზე მოურინიომ და გამორიცხა "ბენფიკადან" ვიქტორ ლინდელოფის აყვანა.
16:52. სტივენ ნზოზიმ განაცხადა, რომ "ბარსელონაზე" არ ფიქრობს, რადგან "სევილიაში" ბედნიერია.
17:09. "მანჩესტერ სიტი" "ბილბაოს" მცველს, ემერიკ ლაპორტს აკვირდება. ამას "დეილი მირორი" წერს.
17:13. არსენ ვენგერმა დაადასტურა, რომ "არსენალი" ახალგაზრდა ჯონ ტორალს "რეინჯერსში" ანათხოვრებს. ტორალი ამჟამად "გრანადაშია" განათხოვრებული.
17:22. ვეტერანმა არგენტინელმა მცველმა მარტინ დემიჩელისმა "ესპანიოლი" დატოვა.
17:49. "ტორინოს" სპორტული დირექტორის, ჯანლუკა პეტრაკის განცხადებით, კლუბმა "არსენალში" 65 მილიონ ევროდ არ გაყიდა ფორვარდი ანდრეა ბელოტი.
18:16. "სანის" ინფორმაციით, "ვესტ ბრომვიჩის" ფორვარდი სადიო ბერაჰინო მალე "გლაზგო რეინჯერსს" შეუერთდება. ესაა, კონტრაქტი ზაფხულში გაფორმდება.
ყოველდღიური სპორტული გაზეთი "ლელო"
