8 ივლისს, "აიაქსისა" და "ვერდერის" ამხანაგურ მატჩისას ჰოლანდიური კლუბის ნახევარმცველი აბდელჰაკ ნური მოულოდნელად მოცელილივით დაეცა. 20 წლის ფეხბურთელი სასწრაფოდ ვერტმფრენით გადააფრინეს უახლოეს კლინიკაში. მაშინ ეგონათ, რომ დავარდნის მიზეზი გულის არითმია იყო.
მეორე დღეს მედია სასიხარულო ამბებს ავრცელებდა, რომ ნურის ჯანმრთელობას საფრთხე არ ემუქრებოდა.
11 ივლისის დასკვნით, 20 წლის ფეხბურთელს გულს პრობლემა არ ჰქონია. ითქვა, რომ ის ხელოვნულ კომაშია. მისი ტვინის ფუნქციონირებას კი მას მერე შეამოწმებდნენ, რაც ნურის გონება დაუბრუნდებოდა...
ცუდს, თითქოს, აღარ ელოდნენ, მაგრამ...
ექიმებმა მისი კომიდან ნელ–ნელა გამოყვანა დაგეგმეს, მაგრამ აღმოჩნდა, რომ მის ტვინს ისეთი დაზიანება აქვს, რომლის აღდგენაც უკვე შეუძლებელია.
ნური კომიდან რომც გამოვიდეს, მას არ შეეძლება ფიქრი, ხალხის ცნობა, ჭამა, ლაპარაკი. აღარაფერს ვამბობთ გადაადგილებაზე.
"ეს ყველაზე ცუდი ამბავია, რაც შეგვეძლო გაგვეგო, - განაცხადა ედვინ ვან დერ სარმა. - ის ასეთი ნიჭიერი და კეთილი ბიჭია. ნამდვილი სპორტსმენი, რომელმაც უკვე ბევრჯერ მოხიბლა "აიაქსის" ფანები".
ჰაკიმ ზიეხი, რომელიც მისი კონკურენტი იყო სასტარტო შემადგენლობაში მოსახვედრად, გაოგნებულია, ისინი ერთმანეთის ახლო მეგობრები არიან და ერთ ოთახში ცხოვრობენ ბაზაზე: "ის ჩემი უმცროსი ძმაა".
მაროკოული წარმოშობის ჰოლანდიელი აბდელჰაკ ნური 2015 წელს გადაიყვანეს "აიაქსის" პირველ გუნდში. მან სულ 9 მატჩი ჩაატარა პირველი გუნდის შემადგენლობაში...
ყოველდღიური სპორტული გაზეთი "ლელო"
ასევე დაგაინტერესებთ
!["აიაქსმა" ახალი ფორმა ბობ მარლის მიუძღვნა [PHOTO]](/pictures/image7/9310a2dd13c32dcdf6d20d27408fd977.jpeg "\"აიაქსმა\" ახალი ფორმა ბობ მარლის მიუძღვნა [PHOTO]")
![37 წლის ჰუნტელაარი მოედანზე 89-ე წუთზე გამოვიდა, დუბლი შეასრულა და "აიაქსს" მოაგებინა [VIDEO]](/pictures/image7/8e1064d1087962ea57cab62ebfa22450.jpg "37 წლის ჰუნტელაარი მოედანზე 89-ე წუთზე გამოვიდა, დუბლი შეასრულა და \"აიაქსს\" მოაგებინა [VIDEO]")
უძრავი ქონება
250.00 k
350.00 k
სიახლეები
პოპულარული
ფეხბურთის ბოსებო ფეხბურთის დასამარებას ჯობს თქვენი ჯიბეები შეათხელოთ,რომ ნამდვილი ფეხბურთი გადარჩეს.