ფიქრობთ, რომ ვიდეორეფერის შემოღების რევოლუციურმა გადაწყვეტილებამ ერთხელ და სამუდამოდ უნდა დაგვავიწყოს ფეხბურთში მსაჯთა საორჭოფო გადაწყვეტილებები? კარგად დაფიქრდით, სანამ ამის მტკიცებას დაიწყებთ, რადგან სამხრეთკორეულ სუვონში კარგად გამოჩნდა, რომ ვიდეორეფერიც ცდება. კორეაში, 20-წლამდელთა მსოფლიოს ჩემპიონატის მეოთხედფინალურ მატჩში იტალიასა და ზამბიას შორის, ვიდეორეფერიმ მსაჯის მცდარი გადაწყვეტილება კიდევ უფრო მცდარით შეცვალა! მატჩის 43-ე წუთისთვის ზამბია 1:0-ს იგებდა, ედვარდ ჩილუფია იტალიელთა საჯარიმოში შეიჭრა.
აფრიკელი "პალერმოს" მცველ ჯუზეპე პეცელას გასცდა, გასცდა მეკარესაც და... წაიქცა. პეცელასა და ზამბიელს შორის შესაძლოა, მცირე კონტრაქტი იყო კიდევაც, მაგრამ ჩილუფიამ ამის
კონსულტაციები 2 წუთს გაგრძელდა, რომლის განმავლობაშიც მსაჯმა რამდენჯერმე შეცვალა გადაწყვეტილება. ბოლოს კი... ზამბიის სასარგებლოდ საჯარიმო დანიშნა და არა პენალტი, პეცელა კი გააძევა.
იხილეთ ვიდეო
საბოლოოდ, ამ თამაშში სამართალმა პური მაინც ჭამა - 10-კაციანმა იტალიამ ორჯერ შეძლო ანგარიშის ამოქაჩვა, ბოლოს კი 3:2 მოიგო და ნახევარფინალში გავიდა, სადაც ის ინგლისის ნაკრებს დაუპირისპირდება. ინგლისელებს დომინიკ სოლანკის გოლმა მოაგებინა მექსიკასთან მატჩში.
ყოველდღიური სპორტული გაზეთი "ლელო"
