ფიფამ მსოფლიოს ჩემპიონატის ჯგუფური ეტაპის წილისყრისთვის გუნდები განთესა და როგორც მოსალოდნელი იყო, პირველ კალათაში იტალიის ნაკრების ადგილი არ აღმოჩნდა. მოკლედ, "სკუადრა აძურა" კვლავაც განუთესავ გუნდთა შორისაა, რამაც აპენინებზე ბევრი გააბრაზა - არაერთმა ცნობილმა საფეხბურთო მოღვაწემ მსოფლიოს უმაღლეს საფეხბურთო ორგანოს რეიტინგების შედგენის წესების გადახედვა ურჩია. ამ პოზიციას იზიარებს ჩეზარე პრანდელიც, თუმცა იქვე დასძენს, რომ განუთესავთა შორის მოხვედრამ შესაძლოა, მის გუნდს კარგი სამსახური გაუწიოს:
"იტალიურ ხასიათს კარგად ვიცნობ და ამიტომ განთესილებში მოხვედრის დიდი სურვილი არც მქონდა. როდესაც ჩვენი არავის სჯერა, სწორედ მაშინ
ჩეზარე პრანდელის ერთი ასეთი კითხვაც დაუსვეს: "შერჩეული გყავთ მუნდიალზე გასამგზავრებელ ფეხბურთელთა 2/3?"
აქვე პასუხი: "მსოფლიოს ჩემპიონატის დაწყებამდე დიდი დროა დარჩენილი და შესაძლოა, ბრაზილიაში ისეთი ფეხბურთელიც კი წავიყვანო, დღეს რომ საერთოდ არ მოიაზრება ნაკრების კანდიდატად. შემიძლია 12 ფეხბურთელის ჩამოთვლა, რომელთა მუნდიალზე გამგზავრება, პრაქტიკულად, გადაწყვეტილია, დანარჩენს კი დრო გვიჩვენებს".
"გაძეტა დელო სპორტმა" 12 ფეხბურთელის საკუთარი ვერსია შემოგვთავაზა: ჯანლუიჯი ბუფონი, ინაციო აბატე, ანდრეა ბარცალი, ლეონარდო ბონუჩი, ჯორჯო კიელინი, ანდრეა პირლო, რიკარდო მონტოლივო, კლაუდიო მარკიზიო, დანიელე დე როსი, ტიაგო მოტა, ჯუზეპე როსი და მარიო ბალოტელი.
ყოველდღიური სპორტული გაზეთი "ლელო"
ასევე იხილეთ:
ჩეზარე პრანდელი: ეს გუნდი დაბადებულია შეტევისთვის და ასე იქნება მსოფლიოს ჩემპიონატზეც
![თანაგუნდელები ჭკუიდან გადაიყვანა - ბალოტელის ვიდეო სოციალურ ქსელში ვირუსულად ვრცელდება [VIDEO]](/pictures/image7/130ff73ba203ed613d4076f3f3d87868.jpg "თანაგუნდელები ჭკუიდან გადაიყვანა - ბალოტელის ვიდეო სოციალურ ქსელში ვირუსულად ვრცელდება [VIDEO]")
![ბალოტელი არ ჩერდება - არველაძის გუნდის დამარცხების შემდეგ გასახდელში მომხდარი სახალისო ამბავი ინტერნეტს იპყრობს [VIDEO]](/pictures/image7/4df28792143c2ddb55b983f709f1ab23.jpg "ბალოტელი არ ჩერდება - არველაძის გუნდის დამარცხების შემდეგ გასახდელში მომხდარი სახალისო ამბავი ინტერნეტს იპყრობს [VIDEO]")
