ტურინის "იუვენტუსის" ცენტრალური მცველი ლეონარდო ბონუჩი, შესაძლოა, "მილანში" გადავიდეს.SportMediaset-ის მიერ გავრცელებული ინფორმაციით, "როსონერიმ" ფეხბურთელთან პირადი კონტრაქტის დეტალები უკვე შეათანხმა. ტრანსფერის განხორციელების შემთხვევაში, 30 წლის ფეხბურთელი "მილანში" წლიურად 7 მილიონ ევროს მიიღებს.
ახლა ჯერი კლუბებს შორის მოლაპარაკებებზეა და "მილანი" ამ ეტაპისთვის უკვე მზადაა. ლომბარდიელებმა ტურინელებს უკვე შესთავაზეს ფინანსურად მომგებიანი წინადადება, ასევე - მატია დე შილიო და ალესიო რომანიოლი. "იუვენტუსის" პოზიცია, ჯერჯერობით, უცნობია.
ლეონარდო ბონუჩი "იუვენტუსში" 2010 წლიდან თამაშობს. ტურინელთა მაისურით ჩატარებულ 319 შეხვედრაში მან 21 გოლი გაიტანა.
!["ინტერმა" "მილანს" სძლია და მეოცედ მოიპოვა სკუდეტო [VIDEO]](/pictures/image7/bb5d6099592543668202cce89d0e2b83.jpeg "\"ინტერმა\" \"მილანს\" სძლია და მეოცედ მოიპოვა სკუდეტო [VIDEO]")
![ევროპა ლიგა. 1/4-ფინალი: "ატალანტამ" "ლივერპული" გამოაგდო, "რომამ" მილანი" - "ბაიერი" და "მარსელიც" გავიდნენ [VIDEO]](/pictures/image7/15f2a4560209ca612ad928d55522900c.jpg "ევროპა ლიგა. 1/4-ფინალი: \"ატალანტამ\" \"ლივერპული\" გამოაგდო, \"რომამ\" მილანი\" - \"ბაიერი\" და \"მარსელიც\" გავიდნენ [VIDEO]")
