"ინტერის" მთავარი მწვრთნელის პოსტზე სულ ახალი დანიშნულია ლუჩანო სპალეტი, რომელმაც ჟურნალისტებთან საუბარში მილანური გრანდის მესვეურები ირიბად გააკრიტიკა და მათ სატრანსფერო ბაზარზე მეტი აქტიურობისკენ მოუწოდა.ტრანსფერები
როდესაც "ინტერის" მთავარი მწვრთნელის პოსტზე დავინიშნე, კლუბის მესვეურები რაღაცებს შემპირდნენ და იმედია, ეს დანაპირები შესრულდება.
მე არ ვარ იმ მწვრთნელებზე უფრო ნიჭიერი, რომლებიც აქ ჩემამდე მუშაობდნენ და შესაბამისად, სასწაულებს ვერ მოვახდენ - საჭიროა ფეხბურთელები იმისთვის, რომ მაღალი მიზნები შევასრულოთ. ფაქტია, რომ ჯერჯერობით, გუნდი არაა დაკომპლექტებული და ეს პროცესი არც დაწყებულა. სატრანსფერო პოლიტიკაზე პიერო აუზილიო და
გაზეთებში ვკითხულობ, რომ ჩვენ 150 მილიონ ევროს დავხარჯავთ ტრანსფერებში და იმედია, ეს პროგნოზი გამართლდება.
მიზანი
ჩვენი მიზანი ჩემპიონთა ლიგაზე დაბრუნებაა და საამისოდ ყველაფერს გავაკეთებთ. "ინტერს" აქვს იმის პოტენციალი, რომ გაცილებით უკეთ ითამაშოს, ვიდრე გასულ სეზონში, თუმცა კიდევ ერთხელ ვიტყვი, რომ მეტი აქტიურობაა საჭირო სატრანსფერო ბაზარზე.
"ინტერი" აუცოლებლად უნდა თამაშობდეს ჩემპიონთა ლიგაზე და სწორედ ამას ელიან ჩვენგან გულშემტკივრები. ამ ეტაპზე, ჩვენი მიზანი საუკეთესო ოთხეულში მოხვედრაა, შემდეგ კი "ინტერმა" იტალიაშიც და ევროპაშიც მხოლოდ უმაღლესი მიზნები უნდა დაისახოს.
იუვენტუსი
"იუვენტუსმა" ჩემპიონთა ლიგის ფინალში მტკივნეული მარცხი იწვნია, თუმცა დარწმუნებული ვარ, რომ ეს მხოლოდ გააძლიერებს ტურინულ გუნდს. უფრო მეტად შეეცდებიან, რომ მომდევნო სეზონშიც მოიგონ სკუდეტო და კიდევ ერთხელ გავიდნენ ჩემპიონთა ლიგის ფინალში.
უკვე გავრცელდა ცნობები, რომ "იუვე" რამდენიმე მაღალი კლასის ფეხბურთელს დაიმატებს და რა თქმა უნდა, ეს მასიმილიანო ალეგრის გუნდს კიდევ უფრო გააძლიერებს. ჩემი აზრით, "იუვე" მომდევნო სეზონშიც სკუდეტოს მოპოვების უმთავრესი პრეტენდენტი იქნება.
რომა
"რომას" ჩემი გულის ნაწილი ეკუთვნის და ამ გუნდს ყველაფერ საუკეთესოს ვუსურვებ მომავალში. არასდროს მსურდა "ჯალოროსის" დატოვება, მაგრამ ასე გახდა საჭირო.
ვერ დავინახე ის პროექტი, რომელიც რომაულ გუნდს წარმატებამდე მიიყვანს, მე კი ვერ ავიღებდი პასუხისმგებლობას იმაზე, რისიც არ მჯერა - "რომა" ჩემპიონთა ლიგაზე გავიყვანე და მსურდა, რომ ამ ტურნირზეც წარმომეჩინა შესაძლებლობები, მაგრამ უნდა ვაღიარო, რომ კლუბის მესვეურებთან საერთო ენა ვერ გამოვნახე. ვერ მომცეს გარანტია, რომ გუნდი გაძლიერდებოდა, ამის გარეშე კი წარმატების მიღწევა ერთბაშად რამდენიმ ფრონტზე, პრაქტიკულად, წარმოუდგენელია.
ტოტი
ფრანჩესკო ტოტისთან მქონდა პრობლემები, მაგრამ ყველაფერი მალევე მოგვარდა და ჩვენ შორის მეგობრული ურთიერთობა ჩამოყალიბდა. პირადად მომხრე ვიყავი, რომ ფრანჩესკოსთან ახალი კონტრაქტი გაფორმებულიყო.
როდესაც ტოტი გასახდელშია, ეს უკვე კარგად აისახება ფეხბურთელებზე. ჩვენ ერთად წავედით "რომადან", თუმცა არა, ის არასდროს დატოვებს "რომას", რადგან სხვაგან თავი უბრალოდ ვერ წარმოუდგენია. ტოტიმ ეპოქა შექმნა და ეს ნამდვილად დასაფასებელია...
ყოველდღიური სპორტული გაზეთი "ლელო"
