ზურაბ პეტრიაშვილი: ქართულმა ფეხბურთმა არველაძეები არ უნდა დაკარგოს

AutoSharing Option
დამოუკიდებელი ფეხბურთის ფედერაციისა და "ქართული ფეხბურთის ქომაგთა ლიგის" ერთ-ერთი დამფუძნებელი, საფეხბურთო სკოლა "ივერიას" პრეზიდენტი ზურაბ პეტრიაშვილი "ლელოსთან" პრობლემებსა და მიმდინარე მოვლენებზე ლაპარაკობს.

სისტემა შესაცვლელია
- მიმაჩნია, რომ ჩემპიონატის არსებული მოდელი "გაზაფხული-შემოდგომის" სისტემამ უნდა ჩაანაცვლოს. ეს რომ მხოლოდ საბჭოური მოდელი არ არის, ამ საკითხთან დაკავშირებით ფიფასა და უეფას თავკაცთა განცხადებებიც კმარა. ისინიც მსგავს სისტემას ემხრობოდნენ. მაგრამ საბოლოოდ, "ბობოლებმა" გააჩუმეს...

საქართველოში სეზონის დიდი ნაწილი ისეთ ცივ პერიოდებში ტარდება, როცა ჩვენს არაკომფორტულ სტადიონებზე სიარული არავის სიამოვნებს: ნოემბერში, დეკემბერსა და თებერვალში სიცივეა. სამაგიეროდ, საერთოდ ამოგდებულია ივნის-ივლისი, ანუ, როცა საუკეთესო ამინდებია.

ეროვნული ჩემპიონატის ჩატარების ერთ-ერთი ინიციატორი ვიყავი და სტადიონზე ხშირად მეც ვერ დავდივარ, რადგან ადამიანი არაკომფორტულ გარემოს ერიდება...

იმის გამო, რომ ივნის-ივლისს ვერ ვიყენებთ, გუნდები ევროთასებს მოუმზადებლები ხვდებიან, ტონუსში არ არიან და შესაძლოა, ესეც გახდა მიზეზი, ევროთასებზე რამდენიმე თანაბარი დაპირისპირება რომ წავაგეთ. ჩვენი გუნდები ფორმაში რომ ყოფილიყვნენ, უმრავლესობა შემდგომ ეტაპზე გასვლას მოახერხებდა...

ამას გარდა, გასათვალისწინებელია, რომ ჩვენი კლუბების უმრავლესობა ბიუჯეტის დოტაციაზეა, რომელსაც წლის ბოლოს ამტკიცებენ, გუნდებს კი ფული წლის დასაწყისში ერიცხებათ - რა თანხასაც მიიღებენ, სეზონიც ამის მიხედვით უნდა დაგეგმონ...

ამას ემატება უხარისხო მოედნები. ბევრი გუნდი ხელოვნურ საფარზე თამაშობს, ბუნებრივზე კი თებერვალში დაწყებული სეზონი ცუდ გავლენას ახდენს.

მე საბჭოურ სისტემას კი არ მივტირი, ვამბობ, რომ სისტემა დავალაგოთ. ორგანიზმიც ასეა მოწყობილი - გაზაფხულზე რაღაცას იწყებ, შემოდგომზე კი ამთავრებ. ახლა კი ამ ბუნებრიობის არევასთან გვაქვს საქმე და ამაზე დაფიქრება გვჭირდება...

ბავშვების პრობლემები
- ბავშვების ტურნირების კალენდარიც დიდების სეზონზეა მიბმული, მაგრამ კიდევ უფრო მახინჯი ფორმით: თამაშები ოქტომბრიდან იწყება, მეორე წრე კი - თებერვლის ბოლოს და დაკარგულია ივნისი, ივლისი, აგვისტო და სექტემბრის ნაწილიც კი. ანუ ბავშვები მაქსიმუმ 8 თვე ვარჯიშობენ, თამაშები სულ 6 თვეს გრძელდება და გამოდის, წელიწადის მესამედი უფეხბურთოდ ცდება. თანაც რა პერიოდზეა ლაპარაკი - ზაფხულზე, როცა ბურთის გორება ყველაზე სასიამოვნოა...

გარდა ამისა, სხვა პრობლემაცაა: საქართველოს ფეხბურთის ფედერაციის ბავშვთა განყოფილების უფროსმა, ირაკლი ოყროშიძემ მომაწოდა შემაშფოთებელი ინფორმაცია: ამჟამინდელი მონაცემებით, საქართველოში ფეხბურთის მოთამაშე ბავშვების რაოდენობა წლიდან წლამდე კლებულობს - შარშან 7500 ვარჯიშობდა, წლეულს კი 6600-დე შემცირდა. ეს სრული კატასტროფაა!

ცნობისთვის გეტყვით, რომ საფრანგეთში 3,5 მილიონი ფეხბურთელია, გერმანიაში - 2,5 მილიონი, დანიაში, სადაც დაახლოებით ჩვენი ოდენობის მოსახლეობაა - 500 ათასი, ნორვეგიაში - 400 ათასი...

ფეხბურთი იყო და არის ყველაზე პოპულარული სახეობა. მაგრამ ბავშვები ძალიან ცუდ პირობებსა და კლიმატურად არასასურველ დროს ვარჯიშობენ. ამის გამო მშობლები შვილებს არ უშვებენ და აქედან გამომდინარე, არც მასობრიობაა. ამაზე ძალიან დიდი გავლენა
მოახდინა სტადიონების კატასტროფულმა შემცირებამ - ეზოებში მოედნები აღარ დარჩა, 25 საფეხბურთო სტადიონი და სკოლა და არაერთი მინი-მოედანი განადგურდა და ბავშვები სად ითამაშებენ?! ამ პირობებში ფეხბურთი რომელ ქვეყანაში განვითარდება?!.

ითქვა, ფეხბურთის განვითარებისთვის 250 მილიონი დაიხარჯებაო. მე ამ ხელისუფლების მომხრე ვარ და ამიტომაც მსურს ვთხოვო - ეს საკმარისი თანხა არ არის. ფეხბურთს გაცილებით მეტი სჭირდება და იქნებ, ამ საქმეს მივხედოთ?..
შავი პიარი

- ამ ყველაფერს ფეხბურთის საწინააღმდეგო პროპაგანდა ემატება, რაც მოთამაშეთა რაოდენობის შემცირების ერთ-ერთი მიზეზია. თითქოს, მოგზავნილები იყვნენ, ფეხბურთელებზე ისეთები იწერება ფორუმებზე, გული აუცრუვდებათ. ისინი მხოლოდ ქილიკის და დაცინვის ობიექტები არიან. არადა, ამ სახეობას დღესაც მაინც ბევრად მეტი მაყურებელი ჰყავს, ვიდრე ნებისმიერ სხვას, რომელსაც შპრიცით ინიექციას უშხაპუნებენ, ოღონდ ფეხბურთი გვერდით ჩააჩოჩონ...

ფეხბურთი თუ მოკვდა, მაშინ მანახონ სხვა სახეობის ნაკრები, რომელიც მსოფლიოს ჩემპიონს ისევე ღირსეულად ეთამაშება, როგორც ლაიპციგში გერმანიას ეთამაშა ცხადაძის გუნდი?! კახამ გუნდს წაგებულის ფსიქოლოგია მოუხსნა, გუნდში ატმოსფერო შეცვალა და სილაღე მოიტანა. ის უკვე აშკარად დაღვინებული მწვრთნელია. რაც მთავარია, გუნდს იმ ფეხბურთს ათამაშებდა, რაც ჩვენს ბუნებაშია - ქართველს თამაში მაშინ გამოსდის, როცა ბურთითაა. როდესაც კარში 11 კაცი ჩადგება, ეს ჩვენი თამაში არ არის...

მოკლედ, კარგი თაობებიც მოდის და სიმართლე გითხრათ, შესარჩევი ციკლის დასაწყისს ბოლო წლებში პირველად ველოდებოდი იმედიანად. ჩვენ ერთი დიდი მოგება გვინდა და გუნდი დაიქოქება...

ასეთი მწვრთნელის მოხსნამ გული მატკინა. კობიაშვილი და ცხადაძე მეგობრები არიან. დაპირისპირებისას ორივე მხარეს ემოციებმა სძლია, ისიც მესმის, რომ ფედერაციას ვალები აქვს. მაგრამ იქნებ, საკუთარ თავში მაინც გამონახონ ერთმანეთთან დალაპარაკების უნარი და შეთანხმდნენ...

სად არიან არველაძეები?
- ფეხბურთის ფედერაციის საპრეზიდენტო არჩევნებზე არველაძის მხარდამჭერი ვიყავი, რადგან კობიაშვილის ხედვებს არ ვიცნობდი. მაგრამ გამიკვირდა, ქართული ფეხბურთის 25 წლის საიუბილეო ღონისძიებაზე მისი ინიციატორების ნაწილი რომ არ მოგვიწვიეს. ქართული ფეხბურთის დამოუკიდებლობის სათავეებთან ხომ მეც ვიდექი, გოჩა ტყებუჩავაც, მერაბ თევზაძეც და გია გილიგაშვილიც?

არჩევნების მეორე დღეს, ქობულეთში "შუქურამ" "საბურთალოს" უმასპინძლა. მაშინ კახა ჭუმბურიძემ, რომელიც შემდეგ ფეხბურთის ფედერაციის ვიცე-პრეზიდენტი გახდა, კარგი სიტყვა თქვა - გაუგებრობები და კონფლიქტები თუ მოხდა, ეს უნდა დავივიწყოთ და საფეხბურთო სამყარო გაერთიანდესო.

სფფ-ის ახალმა მმართველებმა ეს გზა უნდა აირჩიონ და არა - დაპირისპირების. ძმები არველაძეები უნიჭიერესი ხალხია. სადაც წავიდა, შოთა ყველგან ბომბარდირი გახდა. აჩიკოს ტრავმა რომ არ მიეღო, არანაკლები თავდამსხმელი გვეყოლებოდა... რეზო კი უნიჭიერესი ადამიანია...

მეჩვენება, რომ არჩევნების შემდეგ ეს ხალისიანი და ნიჭიერი ძმები განზე გასწიეს.

ქართულ ფეხბურთში ინტელექტის ნაკლებობაა, რაც არველაძეებში უხვად არის. მათ ბევრი სასიკეთო საქმეც გაუკეთებიათ და მიმაჩნია, რომ ძმების გამოყენება აუცილებელია. მით უფრო იმ დროს, როცა დავით პეტრიაშვილის გარდაცვალების შემდეგ უეფაში ძალიან სერიოზული ლობისტი დაგვაკლდა.

ჩვენ ისეთი მდიდრები არ ვართ, არველაძეებისნაირი ხალხი რომ დავკარგოთ. დაპირისპირება საქმეს არ წაადგება.

(იბეჭდება მცირე ცვლილებით)
ყოველდღიური სპორტული გაზეთი "ლელო"
ამ ხელისუფლებამ კიარა ახალკაცმა უნცროსმა დომენტიმ და ნაცებმა დიდ ნეხვში ამოაყოფიეს თავი ქართულ ფეხბურთს და როარა ივანიშვილი რაგბიც ეგეთ დღეში იქნებოდა რა კობიაშვილი რის უფსკრული ფეხბურთი აგერ უკვე 10წელზე მეტი ხანია მოკლენ საქართველოში და ეს ცოდვა შეტენო რასაც ქვია დღევანდელ ხელისუფლებას (რომელსაც თავის გაჭირვებაც ეყოფა) არ მიმაჩნია სამართლიანად და საერთოდ არ შეესაბამება რეალობას..ეგარი ს ი მ ა რ თ ლ ე.
qutaiseli
16:51 31-01-2016
1
ბატონო ზურაბ, ამ ხელისუფლების მომხრე თუ ბრძანდებით, უნდა იცოდეთ, რომ ამ ხელსუფლებამ ხალხი მკაფიოდ გაყო 2 კატეგორიად - თავისიანები და სხვისიანები, ამ უკანასკნელებში კი ბევრს მტრად მოიაზრებენ. ცხადაძე, რაღაც მიზეზების გამო, თავისიანებში არ მოიაზრეს. ამიტომ, ნუ გიკვირთ ის, რაც მოხდა. უფრო მეტსაც ვიტყვი - თქვენ ან ვერ ხედავთ, ან უბრალოდ არ გინდათ იმის დანახვა, რომ დღევანდელი ხელისუფლება კობიაშვილის ხელით ქართუ, ფეხბურთს უფსკრულისკენ მიაქანებს (კიდევ უფრო ღრმა უფსკრულისკენ!).
გიო
11:55 31-01-2016
0
შოთა არველაძე მიმაჩნია ნაკრების მწვრთნელის უპირველეს კანდიდატურად, მაგრამ ვფიქრობ არ დათანხმდება.
არჩილ ხოფერია
11:54 31-01-2016
0
ძალიან დიდი სისულელეა რასაც ამბობთ. თქვენი ჩამოთვლილი ფეხბურთელების დროს ფეხბურთი იყო სამოყვარულო დონეზე და მარტო ნიჭი კმაროდა, დღევანდელ ფეხბურთს ადარებთ იმას? მაგალითად მესხი როგორც ამბობენ 80-85 წუთი უაზროდ დაყიალებდა სტადიონზე, ფაქტიურად იდგა და სულ 1-2 აფეთქების წყალობით ახერხებდა ყოფილიყო ვარსკვლავი
roma-s
10:19 31-01-2016
0
ფეხბურთში ყოფნას ვერავის აუკრძალავენ, მაგრამ რეზი არველაძე სფფ–ს და ფულს არ უნდა გააკარო.
1
ბავშვებს ატამასშებენ ხელოვნურ საფარზე ბეტონსე, მწვრთნელს მშობლები ასწავლიან ტრიბუნიდან და კარნახობენ როგორ ავარჯიშოს, ჩაწყობა და რაც მთავარია მოძველებული მეთოდები, გააგზავნეთ გრძელვადიან სტაჟირებაზე მწვრთნელები ისე რა შედეგი ექნება ვინმეს?
0
ქეცბაიას ნაკრებმაც ითამაშა კარგათ მაშინდელ ევროპის და მსოფლიო ჩემპიონ ესპანეთთან,მაგრა რა??? გიბრალტართან ხო მეც მოვიგებდი. ა ხო კიდევ,შოტლანდიას ტოპმიოლერმაც მოუგო17 წლის ბიჭებით სხვათა შორის.. ბ-ნო ზურა,ვერ დაგეთანხმებით
jemali
22:47 30-01-2016
1
ყველაპერი კარგია, მაგრამ არველადზეებზე რა გითრატ აბა ბატონო გურამ
xorxe
21:27 30-01-2016
0
არველაძეებს ძალიან ბევრი აქვთ გაკეთებული ქართული და არამარტო ქართული ფეხბურთისათვის და მათი დაკარგვა ნამდვილად არ შეიძლება.მათ ვურჩევ(ბოდიშის მოხდით) ჩასაფრებულის პოზიცია არ დაიკავონ და მათი დროც მოვა საქართველოსთვის თავდადებისა და უანგარო სამსახურისთვის,რაშიც მთელი საფეხბურთო სამყარო,მომხრეც და მოწინააღმდეგეც ერთნაირად დარწმუნებულია(ხაზს ვუსვამ-ერთნაირად)
vaxvax
21:06 30-01-2016
0
ხო აბააა, არველაძეები როგორ შეიძლება დაკარგო, ეს ...... და მათი მხარდამჭერები ვერ მოშორდნენ ამ ფეხბურთს, რაც ჭამეს არ ეყოთ .......
zura
20:41 30-01-2016
0
მოაცილეთ არველაძეები ქართულ ფეხბურთს. არველაძეები შორს ქართული ფეხბურთისგან!!!!
ლონა
20:03 30-01-2016
0
ერთი რამე გაიგეთ-ქართულ ფეხბურთს არაფერი არ ეშველებააა!ფეხბურთელად უნდა დაიბადო-არ იბადებიან და .....
მეცსელდერი-
19:24 30-01-2016
0
სამოციან,სამოცდაათიან და ოთხმოციან წლებში რა პირობები იყო ერთი ბავშვთა ფეხბურთში,ძალიან მაინტერესბს,მე პირადად 1964-65 წლებში ფეხბურთზე დავდიოდი ჩემ ძმასთან ერთად სპორტსკოლაში და ხრეშიან პატარა მოედნებზე გვათამაშებდნენ,მინდორზე და მიწაზეც ლაპარაკი ზედმეტი იყო,ერთხელ ამ ხრეშზე თამაშის დროს წავიქეცი და ცალი ფეხი და ტანი გადავიტყავე,შემდეგ დამიჩირქდა და სამი თვე სიარული მიჭირდა,აი ასეთი პირობები იყო მაშინ,მაგრამ საქართველოში ვარსკვლავები მაშინ ბლომად იყვნენ,მესხი,მეტრეველი,ჩოხელი,ხურცილავა,ძოძუაშვილი,ასათიანი,ბარქაია,იამანიძე,ყიფიანი,ჩივაძე,შენგელია,გუცაევი,დარასელია,სულაქველიძე,ხინჩაგაშვილი,მაჩაიძე და კიდევ ბევრი სხვა.ახლა ე.ი.დღეს ამ ფეხბურთელებისნაირი კი არა ამათზე ორი თავით დაბალი ხარისხის ფეხბურთელი არა არსებობს საქართველოში და ამის მერე თქვენ ლაპარაკობთ ბავშვთა ფეხბურთზე და გინდათ შედეგი,არა ძმებო თქვენ არასწორად მსჯელობთ თქვენ სწორ დასკვნებს ვერ აკეთებთ,მე კი გეთყვით,რომ ჩემს მიერ ჩამოთვლილი ფეხბურთელებისნაირი მოთამაშეები თუ არ გვეყოლა ჩვენი საშველი არ იქნება და ეს ვითომ მსჯელობები არაფლის მომტანი იქნება და საშველიც არ იქნება.
roma
18:55 30-01-2016
1
არველაძეები მარტო კი არა ყველა უდნა დიდი ცოცხლით გამოგავო ფედერაციიდან და ფეხბურთიდან ვინც იმ დროს სიჭინავას და არველაძის გუნდში იყო! დაიწყეთ ოთარ გიორგაძით!
vato
18:53 30-01-2016
1
რით ვერ შეიგნეს ქართველებმა რომ ოდესღაც ვიღაცამ რომ ბევრი გოლი გაიტანა და კიდევ მეტის გატანა შეეძლო მთელი სამყარო მის წინააღმდეგი არ ყოფილიყო, იმას არ ნიშნავს რომ ყველაფრის უფლება მივცეთ. არველაძეებიც და ნებისმიერი, ერთ დროს უმაგრესი ქართველი ფეხბურთელი, რომელსაც მონაწილეობა აქვს ქართული ფეხბურთის ნგრევაში, სამუდამოდ უნდა ჩამოაშორო ფეხბურთს
koba
18:42 30-01-2016
0
ყველაფერში მართალია ეს კაცი დროზეა საჭირო მოქმედება
გოგი
18:03 30-01-2016
0
"არველაძეებში ინტელექტი უხვად არის"ო) თუ რამის მაქნისები იყვნენ რეზია ფედერაციაში რამდენი წელი იყო რატომ არაფერი უშველა ქართულ ფეხბურთს?!
"ბავშვები ძალიან ცუდ პრობებსა და კლიმატურად არასასურველ დროს ვარჯიშობენ და ამის გამო მშობლები შვილებს არ უშვებენ და აქედან გამომდინარე არც მასობრიობაა" ნუ ცუდ პირობებში რომ ვარჯიშობენ გეთანხმები ბატონო მაგრამ კლიმატის გამო კი არა გადასახდელის გამო ვერ უშვებენ მშობლები შვილებს! ამ კლუბებს რომ აფინანსებს სახელმწიფო რამე შედეგი არის?არა! ამიტომ ეს ფული უნდა მოხმარდეს ინფრასტრუქტურის მოწესრიგებას,მწვრთნელებისა და მსაჯების მომზადებას და რაც მთავარია ბავშვთა ფეხბურთი უნდა გახდეს უფასო!!! სასურველია ბავშვთა ფეხბურთში მოიწვიონ უცხოელი სპეციალისტები ფიზმომზადების მწვრთნელები მაინც! აი ამის მერე ეს თაობა რომ წამოიზრდება შედეგიც ექნება ქართულ ფეხბურთს! მანამდე კი უაზრობაა არველაძე ცხადაძე კობიაშვილზე თუ კლიმატზე საუბარი...
petre
17:36 30-01-2016
0
ნუ ხარ დაბოღმილი შე 2მაგად .... შენნაირი დაბოღმილები რო არსებობენ დეხბურთში, მიტომ ქვია მთხლებურთი თქვენს ნაკრებს და ///.
giga
17:31 30-01-2016
0
ზაფხულში დასიცხული ფეხბურთი კარგი სანახავი იქნება მოედანზე.
რეზო
17:24 30-01-2016
0
გეთანხმები ბ-ნო ზურაბ!!! და არა მარტო არველაძეები სჭირდება...
tngh
16:55 30-01-2016
0
ბ-ნი ზვიად სიჭინავას დროს ბევრი სტადიონი აშენდა. შეეშვით დემაგოგიას...
tngh
16:52 30-01-2016
0
რა გაზაფხული შემოდგომა? თურმე მასე გვეშველება. იქნებ 10 გუნდიანმა გვიშველოს? ან იქნებ არველაძეებმა? ან იქნებ ცხადაძე გვიშველიდა?
სანამდე შეიძლება ესეთი უაზრო იდეების მოსმენა? მოკლედ აქ უნდა მოვიწვიოთ უცხოელი ჭკვიანი სპეციალისტები, რომელნიც ჯერ ჩამოგვიწერენ რა უნდა გავაკეთოთ, მერე კიდე თვითონ დანერგავენ იმ გეგმას ცხოვრებაში. თუმცა მაინც დიდი შანსია არაფერი გვეშველოს.
P.შ. რეგბისტებმაც უკეთესად ითამაშეს, კალათბურთელებიც უკეთესად გამოდიან, წყალბურთელებსაც უკეთესი შედეგი აქვთ, ხელბურთელებიც უფრო ვაჟკაცურად გამოდიან. ნუ ქართველ ჰოკეისტებზე მაგრები ხართ - ამას ვაღიარებ.
assa
16:47 30-01-2016
0
ქართულმა ფეხბურთმა პეტრიაშვილები არ უნდა დაკარგოს(((((( ....
გაგა
16:41 30-01-2016
0
რაგბს თუ უყურებთ პატივცემულო?

ინიექცია ფეხბურთს ჭირდება თუ ჭირდება :) ანტირეკლამა კი გაუკეთა არველაძეებს, აცდენილია რეალობას ადამიანი საერთოდ.
რეზო
16:10 30-01-2016
0
წადი რა ...,ამ მთავრობის მომხრე, არველაძეების მომხრე,ყვება აქ ზღაპრებს,სტადიონებს რომ ანგრევდნენ და ათას უკანონობას სჩადიოდნენ მაშინ სად იყავი? მერე უნიჩიერესი კაცი რომ იყო დომენტასთან ერთად ფედერაციაში მაშინ რატომ არ აწვდიდი ამ იდეებს? საფეხბურთო სამყარო მთლიანად გასაწმენდი და შესაცვლელია რომ ვუყურებ
Givi g
16:01 30-01-2016
0
სიახლეები პოპულარული