უვიზოდ ევროპაში: რამდენი დაუჯდება ქართველ ქომაგს "ოცნების მატჩზე" დასწრება

ბილეთების ყიდვა როგორც ადგილზე, ისე ონლაინ არის შესაძლებელი. ფასები, თავისთავად, განსხვავებულია. სტადიონის მიმდებარე ტერიტორიაზე ყველაზე იაფ ბილეთს 20 ევროდ შეიძენთ, ინტერნეტით კი - 40 ევროდ.

ესპანეთში ბილეთები დაახლოებით 10-15 ევროთი უფრო ძვირი ღირს, ვიდრე სხვაგან (იტალიაში, გერმანიასა და საფრანგეთში).

გაითვალისწინეთ: არავითარ შემთხვევაში შეიძინოთ ბილეთი გადამყიდველებისგან! გადამყიდველები სტადიონთან მრავლად არიან და ბილეთებს ტურისტებზე ასაღებენ, თუმცა იმ ბილეთების მყიდველები, საბოლოოდ, მატჩზე ვერ შედიან. საქმე ისაა, რომ ბილეთს, რომელსაც სალაროში ყიდულობ, შენი სახელი და გვარი აწერია. წესია - სტადიონზე შესვლისას ბილეთთან ერთად შენს პირადობის მოწმობსაც წარადგენ და თუ ბილეთზე სხვისი სახელი წერია, მაშინ სტადიონზე არ შეგიშვებენ.

სტადიონის მიმდებარე ტერიტორიაზე პატარა ჯიხურებია, სადაც უნდა შეიძინოთ ბილეთი და თქვენს სახელზე ამოაბეჭდინოთ. სწორედ ასე შეძლებთ სტადიონზე შესვლას.

მაგალითად, თუკი ტურინში, "იუვენტუსის" თამაშზე გსურთ დასწრება, მატჩის ბილეთები დაახლოებით 2-3 დღით ადრე უნდა იყიდოთ. წინა დღეს მათი შოვნა ძალიან გაგიჭირდებათ.

მიუნხენის "ბაიერნისა" და დორტმუნდის "ბორუსიას" თამაშებზე მოხვედრა ძალიან რთულია. ამ გუნდების გულშემატკივართა 80% სეზონის დასაწყისში მთელ წელზე აბონემენტებს ყიდულობს და დარჩენილი 20%-იც ძალიან მალე იყიდება.

ასეა მადრიდის "რეალის", "ბარსელონას" მატჩების ბილეთებთან დაკავშირებითაც...

ჩემპიონთა ლიგისა და ევროპის ლიგის მატჩებზე კი ბილეთების შეძენას ინტერნეტით გირჩევთ, რადგან ადგილზე მაღალი მოთხოვნიდან გამომდინარე, მათი შეძენა რთულია. ევროტურნირების ბილეთები დაახლოებით 80-100 ევრო ღირს.