ბორისოვის ბატე-ს ქართველმა ნახევარმცველმა ვაკო გვილიამ, ორ თანაგუნდელთან ერთად, სარბოლო სატვირთო ავტომობილი МАЗ-ით "გაისეირნა" და მძაფრი ემოციები მიიღო. შეგახსენებთ, რომ გვილია, რომელსაც აქამდე საქართველოს ახალგაზრდულ ნაკრებში იწყვევდნენ, სულ ახლახან ვლადიმირ ვაისმა ირლანდიასა და უელსთან შეხვედრებისთვის, ქვეყნის მთავარი გუნდის გაფართოებულ შემადგენლობაში გამოიძახა.
ბატე-ს ფეხბურთელები იმ სარბოლო "მაზში" აღმოჩნდნენ, რომელიც საერთაშორისო ავტორბოლებში მონაწილეობს, საჭესთან კი გუნდის "მაზ-სპორტავტოს" პილოტები სერგეი ვიაზოვიჩი და ალეკსეი ვიშნევსკი იმყოფებოდნენ. გვილიამ და მისმა თანაგუნდელებმა რამდენიმეტონიანი ბოლიდით 7 კმ მანძილი დაფარეს.
