მირჩა ლუჩესკუ გიორგი არაბიძეზეც გაბრაზდა

ევროპის ლიგის 1/16-ფინალურ შეხვედრაში, სადაც ერთმანეთს დონეცკის "შახტარი" და გელზენკირხენის "შალკე" დაუპირისპირდებიან, ტრავმის გამო უკრაინულ გუნდს რამდენიმე ფეხბურთელი ვერ დაეხმარება - მარსიო აზევედო, ბერნარდი და დენტინიო. ვერ ითამაშებს ასევე ფრედი, გიორგი არაბიძის თამაში კი ჯერაც კითხვის ნიშნის ქვეშ დგას.

ამასთან დაკავშირებით "შახტარის" მთავარმა მწვრთნელმა მირჩა ლუჩესკუმ ისაუბრა.

"სამწუხაროდ, ბევრი ტრავმირებული გვყავს, მაგრამ ეს მხოლოდ და მხოლოდ მათი ბრალია. დასვენების პერიოდში ფორმის შენარჩუნებაზე არ იზრუნეს, ამიტომ შეკრებაზე მოუმზადებლები იყვნენ. ახლა ველოდებით, როდის აღიდგენენ კონდიციებს. საუბარი მაქვს ბერნარდზე, აზევედოზე, დენტინიოსა და არაბიძეზე.

ფაქტობრივად, 5 ფეხბურთელი დაგვაკლდება. და თუ გავითვალისწინებთ ალექს ტეიშეირას წასვლას - ექვსი. გუნდი რთულ სიტუაციაში აღმოჩნდა. ფეხბურთელებმა უნდა გაიაზრონ თავიანთი პასუხისმგებლობა.

იმედია, ტრავმირებულები გუნდს მალე დაუბრუნდებიან", - განაცხადა ლუჩესკუმ.

"შახტარის" და "შალკეს" დაპირისპირება 19 თებერვალს გაიმართება.