ფიფას წლის საუკეთესო გოლების ასეულში ქართველის გოლიც მოხვდა! [VIDEO]

AutoSharing Option
PLAYER_GET_VIDEOFLASH
11 იანვარს ციურიხში გამართულ გალა-დაჯილდოებაზე, 2015 წლის საუკეთესო ფეხბურთელებთან, მწვრთნელებთან და სხვა ნომინაციებთან ერთად, წლის საუკეთესო გოლის ავტორიც დაასახელეს. ამ ნომინაციაში ბრაზილიელმა თავდამსხმელმა, 27 წლის უენდელ ლირამ გაიმარჯვა და ფერენც პუშკაშის სახელობის პრიზიც მიიღო.

ნომინანტებს შორის იყვნენ "რომას" შემტევი ალესანდრო ფლორენცი, რომელმაც "ბარსელონას" გაუტანა, და ლიონელ მესი, რომელმაც "ბაიერნის" კარი აიღო - მსოფლიოს აწ უკვე ხუთგზის
საუკეთესო ფეხბურთელმა ჯერომ ბოატენგი გზიდან ისე ეფექტურად ჩამოიცილა, მარტო აღფრთოვანება კი არა, გვარიანადაც იხალისებ კაცი...

ჩვენ კი აქამდე უცნობ ამბავს გეტყვით: ფიფას მიერ შერჩეულ წლის 100 საუკეთესო გოლს შორის ერთ-ერთის ავტორი ქართველი ფეხბურთელიცაა - ვალერიან გვილია.

ზაპოროჟიეს "მეტალურგისა" და უკრაინის ახალგაზრდული ნაკრების 21 წლის საყრდენ ნახევარმცველს "დნიპროს" კარში გატანილი გოლი დაუფასეს. ეს მატჩი ზაპოროჟიეში 12 სექტემბერს გაიმართა და სტუმრებმა 4:1 მოიგეს. მეტალურგთაგან შედევრი შექმნა გვილიამ, რომელმაც ეფექტური კომბინაცია წამოიწყო, მერე თავადვე განავითარა და ეფექტურადვე დააგვირგვინა - ჯერ მცველი, მერე კი მეკარეც ოსტატურად გააცურა და ბურთი ბადეში გაახვია. გვილიას გოლი 89-ე ადგილზე გავიდა.

"ეს ამბავი უკრაინელმა მეგობარმა მითხრა. უზომოდ გამიხარდა. ძალიან დიდი მოულოდნელობა იყო. მეამაყება, რომ საუკეთესო გოლებში ქართული გოლიც დაფიქსირდა", - ამბობს გვილია.

შეგახსენებთ, რომ გვილია ზაპოროჟიეს "მეტალურგში" აღარ თამაშობს. მან გუნდი დეკემბერში დატოვა, საქართველოს პასპორტი დაიბრუნა და ახლა პორტუგალიაში გადასვლას იმედოვნებს. როგორც გუშინ თავად გვითხრა, მისი ახალი გუნდის ვინაობა ერთ კვირაში გაირკვევა.

ყოველდღიური სპორტული გაზეთი "ლელო"
კანკავას გოლს რა დაუწუნეს..ნოიერი დატოვა განცვიჟრებული")))
bujanga
02:40 14-01-2016
0
უფროსწორედ მე-15 ადგილზეა მჭედლიძის გოლი
gakho
00:53 14-01-2016
0
ბიჭებო თქვენ რო დებთ ლინკს იქ 99-ზე კაჭარავას გოლიცაა ხოლო 13-ადგილზე მჭედლიძის გოლი
gakho
00:52 14-01-2016
0
თქვენ ფიფას დაჯილდოებას უყურეთ? თუ მოყოლილს წერთ? მესის გოლი ბავარიასთან გახდა უეფას წლის საუკეთესო ერთი თვის წინ, გუშინ კი წარდგენილი იყო მესის გოლი ატლეტიკთან ესპანეთის თასის ფინალში. პატივისცემით....
avtors!!!!
17:59 13-01-2016
0
https://www.youtube.com/watch?v=1FGjnlJ9INg
მონახეთ ოქრიაშვილი 74-ე
jango
16:41 13-01-2016
0
....გეყურებინა მაინც ის მიმოხილვა 100 გოლის, იქ 74-ეა ოქრიაშვილის გოლი.
სინდისი არ გაწუხებს ?თქვი კაცურად რა!!!
jango
16:38 13-01-2016
0
ვაკო ძაან მაგარი კაცი ხარ! კარგი ქართველი ხარ და წარმატებები შენ!
georgiano
14:42 13-01-2016
0
სიახლეები პოპულარული