ლევან ყენიამ პრაღის "სლავია" დატოვა

26 წლის ლევან ყენიასა და პრაღის "სლავიას" გზები გაიყარა. კლუბმა და ქართველმა ფეხბურთელმა ორმხრივი შეთანხმების საფუძველზე გაწყვიტეს კონტრაქტი.

მოგეხსენებათ, ლევანი ტრავმებმა გააწამა და სწორედ ამის გამო გაუცდა მიმდინარე სეზონი.

ამჟამად, ყენია გერმანიაშია და მსუბუქად ვარჯიშობს. ის "სლავიაში" 2014 წელს გადავიდა დიუსელდორფის "ფორტუნიდან". საქართველოს ეროვნულ ნაკრებში ჩატარებულ 27 მატჩში ლევანმა 4 გოლი გაიტანა.

(იბეჭდება მცირე ცვლილებით)
ყოველდღიური სპორტული გაზეთი "ლელო"