საქართველოს ნაკრები: 90 წუთი "დინამო არენაზე" [VIDEO+PHOTO]

AutoSharing Option
AUTO PLAY
საქართველოს ნაკრებმა, რომელიც 29 მარტს ყაზახეთთან გასამართი ამხანაგური მატჩისთვის ემზადება, ვლადიმირ ვაისის ხელმძღვანელობით პირველად ივარჯიშა "დინამო არენაზე". წვრთნა 90 წუთს გაგრძელდა. ნაკრებში მყოფი ყველა, 23 ფეხბურთელი ჯანმრთელადაა და ხვალინდელ მატჩს საბრძოლო განწყობით ხვდება.
იხილეთ ფოტოგალერეა
Sportall.Ge

მატჩისწინა ბოლო ვარჯიშს ნაკრები დღეს, 17:30 საათზე, "ზესტაფონის" საწვრთნელ ბაზაზე გამართავს. ყაზახეთის ნაკრები კი გუშინ ჩამოვიდა თურქეთიდან, სადაც ამხანაგურ მატჩში აზერბაიჯანელები 1:0 დაამარცხა.

ყაზახები "დინამო არენაზე" დღეს 19:30 საათზე ივარჯიშებენ. მანამდე კი, ნახევარი საათით ადრე, ყაზახეთის ნაკრების სამწვრთნელო შტაბი პრესკონფერენციაზე გვიმასპინძლებს, ხოლო 20 საათზე ჟურნალისტთა
კითხვებს ჩვენი ნაკრების თავკაცი უპასუხებს.

საქართველოს ნაკრებმა გუშინ ასეთი შემადგენლობით ივარჯიშა:

მეკარეები: გიორგი ლორია (კრილია სოვეტოვი, რუსეთი), ნუკრი რევიშვილი (მორდოვია, რუსეთი), როინ კვასხვაძე (ტორპედო);
მცველები: ალექსანდრე ამისულაშვილი, უჩა ლობჟანიძე (ორივე - დინამო თბ), საბა კვირკველია (რუბინი, რუსეთი), გიორგი ნავალოვსკი (სკა ენერგია, რუსეთი), გურამ კაშია (ვიტესი, ჰოლანდია), ლაშა დვალი (შლიონსკი, პოლონეთი);
ნახევარმცველები: ჯაბა კანკავა (რეიმსი, საფრანგეთი), ნიკა კვეკვესკირი (ინტერი, აზერბაიჯანი), ალექსანდრე კობახიძე (დნიპრო, უკრაინა), ჯანო ანანიძე (სპარტაკი, მოსკოვი, რუსეთი), ლევან ყენია (სლავია, ჩეხეთი), თორნიკე ოქრიაშვილი (ესქიშეჰირსფორი, თურქეთი), ნიკა ძალამიძე (რიზესფორი, თურქეთი), ვალერი ყაზაიშვილი (ვიტესი, ჰოლანდია), გიორგი ჭანტურია (დუისბურგი, გერმანია), გიორგი აბურჯანია (ჟიმნასტიკი, ესპანეთი);
თავდამსხმელები: ლევან მჭედლიძე (ემპოლი, იტალია), მათე ვაწაძე (ორჰუსი, დანია), გიორგი ქვილითაია (დინამო თბ), ნიკა კაჭარავა (როსტოვი, რუსეთი).

საქართველო-ყაზახეთის ამხანაგური მატჩი 29 მარტს, "დინამო არენაზე", 21 საათზე დაიწყება. ბილეთის ფასი 5 ლარია.

ყოველდღიური სპორტული გაზეთი "ლელო"
მკითხველის კომენტარები / 10 /
აი ნახავთ 2-1 დამთავრდება ჩვენს სასარგებლოდ
mikheila
20:21 28-03-2016
0
ყაზახებთან თუ წააგეს მერე მთელმა ერმა და ბერმა დიდი ქვა უნდა მივაგოროთ ტელევიზიამაც კი აღარ უნდა გააშუქოს ამათი თამაში......
0

სიახლეები პოპულარული