სფფ-იდან ვაისს ჯერ კიდევ ცხადაძესთან უთანხმოებამდე დაუკავშირდნენ?

სლოვაკური გამოცემა pluska.sk საქართველოს ნაკრებში ვლადიმირ ვაისის დანიშვნას ეხმიანება და ერთ საინტერესო დეტალს ახმოვანებს.

სტატიაში - "ქართველებს ფულთან პრობლემები არა აქვთ, ვაისი სიტუაციიდან კარგად გამოძვრა" - წერია, რომ საქართველოს ფეხბურთის ფედერაციის ხელმძღვანელობასა და სლოვაკ სპეციალისტ ვლადიმირ ვაისს შორის პირველი კონტაქტი გასული წლის დეკემბერში შედგა.

იმ დროისათვის კი ფედერაციის ხელმძღვანელობასა და მწვრთნელ კახა ცხადაძეს შორის უთანხმოება ჯერ კიდევ არ იყო - ყოველ შემთხვევაში, ამის შესახებ საჯაროდ არაფერი იყო ცნობილი.

შეგახსენებთ, რომ ვლადიმირ ვაისის პრეზენტაცია საქართველოს ნაკრების მწვრთნელის პოსტზე 14 მარტს შედგა. სფფ-ის პრეზიდენტმა ლევან კობიაშვილმა განაცხადა, რომ ვაისთან მოლაპარაკება თვე-ნახევარი მიმდინარეობდა.