დღეიდან საქართველოს ნაკრები და ვლადიმირ ვაისი მზადებას იწყებენ

დღეიდან, 22 მარტიდან, საქართველოს ნაკრები თბილისის ზღვაზე მდებარე "ზესტაფონის" საწვრთნელ ბაზაზე ყაზახეთთან ამხანაგური მატჩისთვის მზადებას იწყებს.

სპარინგი სადებიუტოა ეროვნული გუნდის ახალი მწვრთნელისთვის, სლოვაკი ვლადიმირ ვაისისთვის.

მატჩი 29 მარტს, "დინამო არენაზე" გაიმართება (დასაწყისი 21 საათზე). ამ დროის განმავლობაში ჩვენი გუნდი სასტუმრო "ჰუალინგში" იცხოვრებს.

ვაისის განკარგულებაშია 20 ფეხბურთელი, რომლებსაც რამდენიმე მოთამაშე დაემატებათ საქართველო-სან მარინოს ახალგაზრდულ ნაკრებთა მატჩის (23 მარტი) შემდეგ.

შეგახსენებთ, ამ მომენტისთვის საქართველოს ნაკრების შემადგენლობა ასეთია:

მეკარეები: გიორგი ლორია (კრილია სოვეტოვი, რუსეთი), ნუკრი რევიშვილი (მორდოვია, რუსეთი), როინ კვასხვაძე (ტორპედო);
მცველები: ალექსანდრე ამისულაშვილი, უჩა ლობჟანიძე (ორივე - დინამო თბ), სოლომონ კვირკველია (რუბინი, რუსეთი), გიორგი ნავალოვსკი (სკა ენერგია, რუსეთი), გურამ კაშია (ვიტესი, ჰოლანდია);
ნახევარმცველები: ჯაბა კანკავა (რეიმსი, საფრანგეთი), ნიკა კვეკვესკირი (ინტერი, აზერბაიჯანი), ალექსანდრე კობახიძე (დნიპრო, უკრაინა), ჯანო ანანიძე (სპარტაკი, მოსკოვი, რუსეთი), ლევან ყენია (სლავია, ჩეხეთი), თორნიკე ოქრიაშვილი (ესქიშეჰირსფორი, თურქეთი), ნიკა ძალამიძე (რიზესფორი, თურქეთი), ვალერი ყაზაიშვილი (ვიტესი, ჰოლანდია), გიორგი ჭანტურია (დუისბურგი, გერმანია);
თავდამსხმელები: ლევან მჭედლიძე (ემპოლი, იტალია), მათე ვაწაძე (ორჰუსი, დანია), გიორგი ქვილითაია (დინამო თბ).

(იბეჭდება მცირე ცვლილებით)
ყოველდღიური სპორტული გაზეთი "ლელო"