საქართველოს ეროვნული ნაკრების მთავარმა მწვრთნელმა ვლადიმირ ვაისმა მოახლოებული ამხანაგური მატჩებისთვის ქუთაისის "ტორპედოს" 4 ფეხბურთელს იხმო.როინ კვასხვაძისა და ბექა ტუღუშის გამოძახების შესახებ აქამდეც ვიცოდით, ახლა კი, როგორც ქუთაისური კლუბის ოფიციალური საიტი იტყობინება, ვაისმა გიორგი ქიმაძე და ოლეგ მამასახლისიც გამოიძახა.
საქართველოს ეროვნული ნაკრები იანვარში, დუბაიში ორ ამხანაგურ მატჩს გამართავს. 23 იანვარს ჩვენი ნაკრები უზბეკეთის, ხოლო 25-ში იორდანიის ნაკრებს დაუპირისპირდება.
