საფეხბურთო კლუბ "ზუგდიდით" უკრაინელი ინვესტორები დაინტერესდნენ.როგორც Sportall.ge-ს ზუგდიდური კლუბის პრესსამსახურის უფროსმა ლაშა გოგოლავამ აცნობა, ინვესტორები უკვე სამეგრელოს ქალაქში არიან ჩასულნი და მოლაპარაკებებს მართავენ.
კლუბის პრესსამსახურის ცნობით, ჯერჯერობით, საკითხი მხოლოდ მოლაპარაკებების სტადიაზეა და კონკრეტული გადაწყვეტილება არაა მიღებული.
მანამდე სოციალურ ქსელში გავრცელდა ინფორმაცია, რომ "ზუგდიდის" პოტენციური ინვესტორები გუნდიდან რამდენიმე ფეხბურთელის გაშვებას გეგმავენ, რის შესახებაც მოთამაშეები უკვე გააფრთხილეს. თუმცა აღნიშნული ინფორმაცია კლუბის პრესსამსახურმა უარყო.
