უმაღლესი ლიგა. I ტური: 4 ფრე და სტუმრების გამარჯვება

7 აგვისტოს საქართველოს XXVIII საფეხბურთო ჩემპიონატი დაიწყო.

გარდამავალი ჩემპიონატის პირველი ტურის 6-ვე შეხვედრა დღეს გაიმართა.

7-7 გუნდი ორ ჯგუფად განაწილდა. თეთრ და წითელ ჯგუფებში სამ-სამი მატჩი ჩატარდა.

საჩხერის "ჩიხურასა" და თბილისის "დინამოს" შორის მატჩი უგოლო ფრედ დასრულდა.

ასევე უგოლო ფრედ დასრულდა დაპირისპირება ლანჩხუთის "გურიასა" და "ცხინვალს" შორის.

ქუთაისის "ტორპედოსა" და ქობულეთის "შუქურას" შორის შეხვედრა წინა ორის მსგავსად 0:0 დასრულდა.

ივანწმინდა, ცენტრალური სტადიონი
ჩიხურა-დინამო (თბ) 0:0

ლანჩხუთი, "ევგრაფი შევარდნაძე"
გურია-ცხინვალი 0:0

ქუთაისი, "რამაზ შენგელია"
ტორპედო-შუქურა 0:0

ბათუმის "დინამოსა" და "სამტრედიას" შორის შეხვედრა ფრედ ანგარიშით 1:1 დასრულდა. 58-ე წუთზე "სამტრედია" ბუდუ ზივზივაძემ დააწინაურა, ხოლო 78-ე წუთზე თეიმურაზ შონიამ გაათანაბრა.

ფოთის "კოლხეთმა" სტუმრად მინიმალური ანგარიშით "ზუგდიდი" დაამარცხა. ერთადერთი გოლის ავტორი ომარ გოგონაია გახდა, რომელმაც 25-ე პენალტი ზუსტად შეასრულა.

ასევე სტუმრად იმარჯვა "საბურთალომ", რომელმაც ბოლნისის "სიონს" ანგარიშით 2:1 სძლია. ანგარიში "საბურთალოს" ეპანელმა ლეგიონერმა ფრანცისკო გარსიამ 37-ე წუთზე გახსნა, ხოლო 38-ე წუთზე დავით ვოლკოვმა გაათანაბრა. 53-ე წუთზე გამარჯვების გოლი სტუმრების კიდევ ერთმა ესპანელმა ფეხბურთელმა ტერა ელვინმა გაიტანა.

ქობულეთი, "ჩელე არენა"
დინამო (ბთ)-სამტრედია 1:1
გოლები: 0:1 ბუდუ ზივზივაძე (58), 1:1 თეიმურაზ შონია (78)

ზემო ეწერი, ცენტრალური სტადიონი
ზუგდიდი-კოლხეთი 0:1
გოლი: 0:1 ომარ გოგონა (პენ. 25)

ბოლნისი, "თამაზ სტეფანია"
სიონი-საბურთალო 1:2
გოლები: ფრანცისკო გარსია (37), 1:1 დავით ვოლკოვი (38), 1:2 ტერა ელვინი (53)
გაძევება: დავით ხურცილავა (90)

თბილისის "ლოკომოტივი" და გორის "დილა" პირველ ტურში ისვენებენ.