გიორგი ფოფხაძე: ასეთ უსამართლობაზე ბიჭები გატყდნენ და "დინამოსთან" ამიტომაც წავაგეთ

AutoSharing Option
ბოლო ერთ კვირაში, თბილისის "ლოკომოტივი" საგრძნობლად გაძლიერდა. სეზონის დაწყებამდე, გუნდში საქართველოს ნაკრების კანდიდატი ბაჩანა ცხადაძე დაიმატეს.

"დინამოსთან" თბილისურ დერბიში კი ლოკომოტიველთა შორის კიდევ ერთი ახალწვეული ვიხილეთ - გიორგი ფოფხაძე, რომელიც ბოლოს ალბანურ "ფლამურტარიში" თამაშობდა, საქართველოს ნაკრების მაისურა კი 12-ჯერ მოირგო.

"ალბანეთიდან წამოსვლის შემდეგ, უგუნდოდ ვიყავი და რაღაც ვარიანტებს მთავაზობდნენ. სხვათა შორის, ერთ-ერთი - ტაილანდიც იყო... ბოლოს ლექსო თოფურია
დამელაპარაკა, გავიგე, რომ "ლოკომოტივის" გაძლიერებას აპირებს და დავინტერესდი.

მერე გუნდის ბაზა ვნახე და ძალიან მომეწონა. ბევრ ქვეყანასა და კლუბში ვყოფილვარ - "ოლიმპიაკოსში", "შტურმში", "ბაქიში", "იაგელონიაში" და არ მეგონა, თუ რამე გამაკვირვებდა. ასეთი ბაზა ბევრ ქართულ გუნდს რომ ჰქონდეს, ჩემპიონატის დონე აუცილებლად აიწევდა.

სხვათა შორის, როგორც შევნიშნე, ახლა გუნდები გარდამავალი ჩემპიონატისთვის ემზადებიან და ამიტომაც ძლიერდებიან. ესეც დამატებითი სტიმული იყო", - ამბობს ფოფხაძე.

ფოფხაძე თბილისის "დინამოსთან" მატჩზეც გველაპარაკა:

"გაოცებული დავრჩი, როგორ დაცემულა ჩვენი ჩემპიონატის დონე. 3 თვე უგუნდოდ ვიყავი და ტონუსის შენარჩუნებას ვაკის პარკში სირბილით ვცდილობდი. ასე მოუმზადებელმა ვითამაშე თბილისის "დინამოსთან" და წარმოიდგინეთ, მეორე ტაიმის ბოლომდე მაინც გავძელი.

მაგრამ უფრო მეტად გული მსაჯობამ დამწყვიტა. წაგებას არ ვიმსახურებდით, არბიტრმა კი ნიკა ჭანტურიაზე პენალტი არასწორად დანიშნა. იქვე ახლოს ვიყავი და დავინახე, რომ ნიკას ბურთი ხელში კი არა, სახეში მოხვდა...

1:0-ს ვიგებდით, ასეთ უსამართლობაზე კი ბიჭები გატყდნენ და ამიტომაც წავაგეთ. უნდა გენახათ, გასახდელში რა დღეში ვიყავით... მსაჯიც იქ უნდა ყოფილიყო და მიხვდებოდა, რამხელა შეცდომა დაუშვა".

(იბეჭდება მცირე ცვლილებით)
ყოველდღიური სპორტული გაზეთი "ლელო"
მერე , ადექი და დაგვიმტკიცე შენი სიძლიერე შვილო. ჩვენთან კახეთში ამბობენ: "კაი ქვა კედელს არ გამოსძვრებაო";
levani kaxeti
20:17 25-02-2016
0
მერე , ადექი და დაგვიმტკიცე შენი სიძლიერე შვილო. ჩვენთან კახეთში ამბობენ: "კაი ქვა კედელს არ გამოსძვრებაო";
levani kaxeti
20:17 25-02-2016
0
ალბანეთის დონე როგორია და ბევრად უკეთესი საქართველოს ჩემპიონატზე თუ სიმართლე გაინტერესებს. თუ არ იცი ნუ ლაპარაკობ რა ძმაო AL
Levani
19:56 25-02-2016
0
ეს რა უნამუსო ყოფილა?! შენც ეხლა პრემიერლიგიდან დაბრუნდი რა! გამომივიდა აქ მეგა ვარსკვლავი. ტიპს ტაილანდში გეძახდნენ და გეხვეწები ერთი გაგვაგებინე საქართველოს ჩემპიონატს უფრო მაღლა აყენებ თუ ტაილანდისას? ალბანეთის როგორია? მობი ბიძიკო გააებე უაზრობების ყბედობას და საქმეს მიხედე, ლოკომოტივის დონის გუნდი მგონი მისწრებაა ეხლა შენზე
0
გიორგი გული არ გაიტეხო, საქრთველოში ფედერაციას და მსაჯებს დინამო ისე ყავთ განებივრებული, როგორც საბჭოთა ეპოქაში ყავდათ მოსკოვის სპარტაკი და რომელიც ყველა ქართველს სძულდა, ამგვარი დამოკიდებულებით დინამოს შეაჯავრებენ ხალხს, მსაჯები რატომ არ უშვებენ შეცდომებს დინამოს საწინააღმდეგოდ აი ეს გვაკვირვებს ყველას.
vaxo
16:52 25-02-2016
0
არც დააპიპინოთქო რა!
იმიტო შეგცვალეს მაგრად რო ითამაშე! და დონე სულ ისეთ გუნდებში იყავი რო ვარსკვლავებს წყვეტდი! და ამას წინ იმედზეც ნაკრების წევრის პონტში გაბაზრეს თითქოს მყავდე რა ასნავნოის კანდიდატი :)
dato
16:04 25-02-2016
0
სიახლეები პოპულარული