თბილისის "დინამო" თურქული შეკრების პირველ მატჩში ხორვატულ "სპლიტს" დაუპირისპირდა და 1:0 გაიმარჯვა.
ერთადერთი გოლი მე-17 წუთზე ჯაბა ჯიღაურმა გაიტანა. "დინამოს" შემტევი უმეთვალყურეოდ დარჩა და ოდნავ მახვილი კუთხიდან ბურთი ახლო "ცხრიანში" გაახვია.
ამ გოლის გარდა, დინამოელებს კიდევ რამდენიმე მომენტი ჰქონდათ. მაგალითად, პირველ ტაიმში გიორგი ქვილითაიამ, ხოლო მეორე ნახევარში ნიკოლოზ გელაშვილმა მოწინააღმდეგის კარს სახიფათოდ შეუტიეს. ორჯერ კარგად ჩაერთო თამაშში დინამოელთა სლოვაკი მეკარე ლიბორ ჰრდლიჩკაც.
დინამო: ჰრდლიჩკა, გველესიანი, ამისულაშვილი (46. ჭელიძე), უ. ლობჟანიძე (46. კიტეიშვილი), გურული, ცინცაძე, პარუნაშვილი (73. ს. ლობჟანიძე), ჯიღაური, ჭანტურიშვილი (66. გელაშვილი), იაშვილი (46. ჟაჟა), ქვილითაია (46. არაბული).
მომდევნო შეხვედრას "დინამო" 4 თებერვალს, ბელორუსის საუკეთესო კლუბ ბატე-ს წინააღმდეგ ჩაატარებს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
ასევე დაგაინტერესებთ
![ლამაზი გოლები... "სამგურალმა" "დინამო თბილისს" მოუგო, დერბები ფრედ დასრულდა [VIDEO]](/pictures/image7/85f1a83028671db3c85cbeac88707d64.jpg "ლამაზი გოლები... \"სამგურალმა\" \"დინამო თბილისს\" მოუგო, დერბები ფრედ დასრულდა [VIDEO]")
![ეროვნული ლიგა. X ტური. "სამგურალი" - "დინამო" (თბ) [LIVE]](/pictures/image7/859dc987155f477ff5767a4bf1445d97.png "ეროვნული ლიგა. X ტური. \"სამგურალი\" - \"დინამო\" (თბ) [LIVE]")
უძრავი ქონება
სიახლეები
პოპულარული
--რა მოხდა მერე, იქნებ გაუხარდა კაცს დინამოს მოგება, ამისთვის უნდა შევჭამოთ?