ლანჩხუთის "გურიამ" მოსამზადებელ ეტაპზე მორიგი საკონტროლო შეხვედრა მეორე ლიგის ბინადარ "მარკ სტართან" გამართა.უგოლო პირველი ნახევრის შემდეგ კახა გოგიჩაიშვილის გაწვრთნილებმა მეტოქეს აქტიურად შეუტიეს და ვანო წილოსანისა და სანდრო ბახიას გოლებით 2:0 მოუგეს.
გურია: იმერლიშვილი, გელაშვილი, ჩადუნელი, ე. კილაძე, კ.ხიზანეიშვილი, გაბრიჩიძე, კობერიძე, ნ. ნარიაშვილი, ს. ბახია, ზ. კვარაცხელია, ციცხვაია; შეცვლაზე: რ. წილოსანი, ლ. ნოზაძე, ჯანაშია, წერეთელი, რეხვიაშვილი, ზაქრაძე, ახალაია, ვ. წილოსანი.
სასიამოვნო ფაქტია - ვანო წილოსანი მშობლიური ქალაქის გუნდში ადგილს რომ იმკვიდრებს. ეს ის ფეხბურთელია, რომელიც ვასილ მაისურაძის ნაკრებში გამოდიოდა და
მაგრამ გოგიჩაიშვილმა, რომელსაც ახლგაზრდების დაწინაურება უყვარს, წილოსანი "გურიის" ძირითადს შეაჩვია და შედეგიც სახეზეა - 19 წლის თავდამსხმელმა ბოლო სამ საკონტროლო შეხვედრაში თავი 4 გოლით გამოიჩინა.
საერთოდ, ახალ სეზონში ლანჩხუთელთა საკადრო პოლიტიკა ასე გამოიხატება - მაქსიმალური ყურადღება ადგილობრივ კადრებს. ამჟამად, "გურიის" მთავარ გუნდში 8 ლანჩხუთელი ვარჯიშობს. ტესტმატჩებში, ვანო წილოსანის გარდა, თავი დუბლშემადგენლობიდან დაწინაურებულმა ნიკა ნარიაშვილმა და სანდრო ბახიამაც გამოიჩინეს - პირველმა ეს მარტვილის "მერანთან" სპარინგში მოახერხა, ბახიამ კი - გუშინდელ საკონტროლო მატჩში.
მანამდე, ხობის "კოლხეთთან" კიდევ სამმა ისეთმა ახალგაზრდამ ითამაშა, გასულ სეზონში დუბლიორებში რომ გამოირჩეოდა - ლაშა ახალაია, ნიკა წერეთელი და რევაზ წილოსანი. ლანჩხუთელები არიან მეკარეები - მიხეილ გოგუაძე და რატი იმერლიშვილიც, რომლებიც მთავარი გუნდის წევრებად მოიაზრებიან.
ყოველდღიური სპორტული გაზეთი "ლელო"
![ჰეთ-თრიკი და ქამბექი - მაისურაძის 19-წლამდელების გამარჯვება [VIDEO]](/pictures/image7/3a2b9b938b3ee31745f43fc48c6e9293.jpg "ჰეთ-თრიკი და ქამბექი - მაისურაძის 19-წლამდელების გამარჯვება [VIDEO]")
