ჯერ კიდევ წინა წლებში მავანსა და მავანს აღიზიანებდა მსოფლიოს საუკეთესო ფეხბურთელებად რონალდოსა და ლეო მესის დასახელება, მაგრამ ასეთი იყო რეალობა - ისინი მართლაც საუკეთესონი გახლდნენ და ეს ფაქტია. წელს, ალბათ, სამართლიანად საუკეთესოდ "რეალის" ნახევარმცველი ლუკა მოდრიჩი მიიჩნიეს (ფიფას ვერსიით) და ზოგიერთმა ეპოქალური რონალდო და მესი საერთოდ ჩამოწერა. თავად ეს პრიზები, დაჯილდოებები, ცერემონიები და ა.შ. ხანდახან სუბიექტური იყო და ამა თუ იმ მხარის გაღიზიანებას იწვევდა. საუკეთესოების არჩევის კრიტერიუმებიც ძალზე დაუკონკრეტებელია. მაგალითად, ლონდონში ფიფამ წლის საუკეთესო მეკარედ ტიბო კურტუა აღიარა, წლის სიმბოლურ
სიმბოლურში ვერ მოხვდა "ლივერპულის" შემტევი ნახევარმცველი მოჰამედ სალაჰიც, რომელიც ამავე ორგანიზაციამ სამ საუკეთესო ფეხბურთელს შორის დაასახელა.
მოკლედ, სრული ნონსენსი და კლოუნადაა.
"ბარსელონას" მწვრთნელმა ერნესტო ვალვერდემ აღნიშნა, რომ ამას დიდ ყურადღებას არ აქცევს და სპორტი და სხვადასხვა ცერემონიის მოწყობა ბიზნესად იქცა.
დაჯილდოებაზე რონალდო და მესი არ ჩავიდნენ და ამან ფიფას მაღალჩინოსნები გააბრაზა. უკმაყოფილება გამოხატა ცნობილმა იტალიელმა მწვრთნელმა ფაბიო კაპელომაც.
რა თქმა უნდა, ძალიან გახარებული გახლდათ ხორვატიის ფეხბურთის ფედერაციის პრეზიდენტი დავორ შუკერი. მან რონალდოსა და მესის მიმართ ანტიპათია ვერ დამალა.
"არ მინდა, ვინმეს ამ საღამოზე ხასიათი გავუფუჭო, მაგრამ რამდენიმე დღის შემდეგ რაღაცას ვიტყვი. ცხოვრება მარტო გამარჯვება როდია. წაგებულმაც უნდა გამოხატოს გამარჯვებულის მიმართ პატივისცემა. რაც შეეხება მოდრიჩის გამარჯვებას - რონალდოსა და მესის ერის დასასრული კარგია ფეხბურთისა და ხორვატი ფეხბურთელებისთვის. ეს დამსახურებული ჯილდოა იმისათვის, რაც მოდრიჩმა უკანასკნელ წლებში გააკეთა", - განუცხდა შუკერმა "მუნდო დეპორტივოს".
თუ რამდენად ობიექტურია შუკერი რონალდოსა და მესისთან მიმართებაში, ეს თავად განსაზღვრეთ. უბრალოდ, ფაქტს მოგახსენებთ - 33 წლის მოდრიჩს ახალ სეზონში თავი ჯერ დიდად არაფრით არ გამოუჩენია (არაფერს ვამბობ ერთა ლიგის მეორე ტურში ხორვატიის ნაკრების ესპანეთთან განადგურებაზე - 0:6). მესიმ ლა ლიგას 5 მატჩში 5 გოლი გაიტანა, ხოლო რონალდო "იუვენტუსში" ათამაშდა და სერია A-ს ბოლო 2 შეხვედრაში 3-ჯერ დალაშქრა მეტოქეთა კარი.
ასე რომ, ბევრს ნაადრევად უხარია მათი ერის დასასრული და ეს ფეხბურთისთვის სულაც არ იქნება კარგი. თუმცა, მარადიული ამ ქვეყნად არაფერია და ადრე თუ გვიან მათი ერაც დასრულდება, ოღონდ ამით ფეხბურთი ნამდვილად ვერ მოიგებს.
![alt](/pictures/image50/73fefd8f33e3eed479ada9a21e6543c5.jpeg "ხმები რონალდოსა და მესის "გარდაცვალების" შესახებ გადაჭარბებულია - ბევრს ნაადრევად უხარია მათი ერის დასასრული")
ფიფამ პრიზები დაარიგა - საუკეთესო ფეხბურთელად ლუკა მოდრიჩი დაასახელეს
![alt](/pictures/image50/e08a08ecebd459dab98c4776b43a2afe.jpg "ხმები რონალდოსა და მესის "გარდაცვალების" შესახებ გადაჭარბებულია - ბევრს ნაადრევად უხარია მათი ერის დასასრული")
ფიფამ წლის სიმბოლურ ნაკრებში სალაჰი და ნეიმარი არ შეიყვანა
![alt](/pictures/image50/6c3855e78419539fcc284794d3a7c07f.jpg "ხმები რონალდოსა და მესის "გარდაცვალების" შესახებ გადაჭარბებულია - ბევრს ნაადრევად უხარია მათი ერის დასასრული")
ერთა ლიგა. II ტური: ესპანეთმა ხორვატია გააბითურა - და ეს გუნდი მსოფლიოს ჩემპიონატზე რუსეთთან დამარცხდა... [VIDEO]
!["მესი ნაბიჭვარია" - "რეალის" ფანებს "ბარსელონას" ყოფილი ვარსკვლავი არ ავიწყდებათ [VIDEO]](/pictures/image7/e671dc4f9b41ceab61aed9f246fa35fe.jpg "\"მესი ნაბიჭვარია\" - \"რეალის\" ფანებს \"ბარსელონას\" ყოფილი ვარსკვლავი არ ავიწყდებათ [VIDEO]")
![ფენომენალური - მესის 5 საგოლე პასი და გატანილი გოლი "ნიუ იორკ რედ ბულსის" წინააღმდეგ [VIDEO]](/pictures/image7/2fa37b1ca93ca57a5390c443156a1dca.png "ფენომენალური - მესის 5 საგოლე პასი და გატანილი გოლი \"ნიუ იორკ რედ ბულსის\" წინააღმდეგ [VIDEO]")
ფიფას დაჯოლდფოება მართლა სრული კოუნადა იყო, რასაც ქვია გაიპაზორეს თავი.
კარგი ქნეს მესიმაც და რონალდომ ამ ცირკის სანახავად დრო რომ არ დაკარგეს
თემამ ითამაშა. ლიბერასტებმა ხომ ყველაფერი ტაკიმასხარაობად აქციეს უმცირესობების მიმართ ვითომცდა თავგადაკლული სიყვარულის გამო.საქართველო მუნდიალზე საერთოდ არ ყოფილა, თორემ ალბათ კაშიას დაასახელებდნენ მსოფლიოს საუკეთესო ფეხბურთელად.