მსოფლიოს 2018 წლის ჩემპიონატის რამდენიმე ფინალისტმა სათამაშო ფორმის პრეზენტაცია მოაწყო, რომლითაც ისინი გაისად, მუნდიალზე ითამაშებენ.გერმანიის ნაკრების ფორმის პრეზენტაციაში მონაწილეობა მიიღეს ტონი კროოსმა, მესუთ იოზილმა და მატს ჰუმელსმა.
ბელგიის ნაკრებმა საკუთარი "ტვიტერის" მეშვეობით წარადგინა წითელი მაისურები, მკერდზე ყვითელი სამკუთხა ორნამენტებით. დაახლოებით ასეთი იყო ბელგიელთა ფორმა 1984 წელს, ევროპის ჩემპიონატზე.
ლიონელ მესიმ წარადგინა არგენტინის ნაკრების ახალი საშინაო ფორმა.
ასევე ვიცით, როგორი ფორმით ითამაშებს მსოფლიოს ჩემპიონატზე ესპანეთი - წითელ მაისურს მარჯვენა მხარეს ყვითელ-ლურჯ-წითელი ორნამენტები ამშვენებს და ამ მაისურმა ესპანეთში სკანდალს დაუდო სათავე.
ეკიპირების მწარმოებელი ამტკიცებს, რომ ზოლების ფერი ლურჯია, მაგრამ ის წითელთან კონტრასტში, შესაძლოა, იასამნისფრად აღიქვან, ეს ფერი კი ასოცირდება ესპანეთის ისტორიაში რესპუბლიკურ პერიოდთან.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![კლასმა თავისი გაიტანა - საქართველოს ნაკრებმა ესპანეთს მხოლოდ ერთი ტაიმი გაუძლო [VIDEO]](/pictures/image7/c835ef8c07c3b0b161cd10098dd09965.jpeg "კლასმა თავისი გაიტანა - საქართველოს ნაკრებმა ესპანეთს მხოლოდ ერთი ტაიმი გაუძლო [VIDEO]")
