ჟირინოვსკი: ეს "სპარტაკია" თუ აფრიკის ნაკრები?

ჩემპიონთა ლიგაზე მოსკოვის "სპარტაკის" მიერ "სევილიას" 5:1-ზე განადგურების შემდეგ, რუსეთის ლიბერალურ-დემოკრატიული პარტიის ლიდერმა ვლადიმირ ჟირინოვსკიმ "სახალხო გუნდი" გააკრიტიკა:

"მასობრივი სპორტი უნდა დავიბრუნოთ. აი, ახლა "სპარტაკის" თამაში იყო. 5 გოლი გავიტანეთ: 4 აფრიკელებმა, 1 კი - ჩვენმა. გამაგებინეთ, ეს "სპარტაკია" თუ აფრიკის ნაკრები?

რა აზრი აქვს ამ გუნდის გულშემატკივრობას? მოუგეთ, კარგია, ხუთით რაღაცა, მაგრამ 4 გოლი ლეგიონერებმა გაიტანეს".

ანდალუსიელებთან შეხვედრაში ჰოლანდიელმა ქუინსი პრომესმა 2 გოლი გაიტანა, პარაგვაელმა ლორენსო მელგარეხომ, ბრაზილიელმა ლუის ადრიანომ და რუსმა დენის გლუშაკოვმა თითო-თითო. ასე რომ, აფრიკელებს იმ შეხვედრაში თავი არ გამოუჩენიათ...