რატომ გააგრძელა კასილიასმა „პორტუსთან“ კონტრაქტი?

AutoSharing Option
ვეტერანმა ესპანელმა გოლკიპერმა იკერ კასილიასმა თქვა, რომ თავის გუნდთან ერთად პორტუგალიის ჩემპიონატი არ მოუგია, ეს გამოსასწორებელი აქვს და უფრო ამიტომ გაახანგრძლივა „დრაკონებთან“ შრომითი ხელშეკრულება:

„ჩემი დარჩენის რამოდენიმე მიზეზი არსებობს. პირველ რიგში კლუბის წინაშე ვალში ვარ, რადგან ძალიან დამიჭირეს მხარი და ტოპ-მეკარედ დარჩენის შესაძლებლობა მომცეს.

„პორტუში“ მესამე სეზონს ვატარებ. პირველ ორში ოქროს მედლებს ვერ დავეუფლეთ. ეს ჩემთვის კარგი გამოწვევაა. უნდა დავეხმარო ქვეყნის ერთ-ერთი საუკეთესო გუნდის სტატუსის შენარჩუნებაში“.

იკერის ახალ კონტრაქტს ვადა მომავალ ზაფხულში გასდის. ბარემ გეტყვით, რომ ის ჩემპიონთა ლიგაზე მე-19
სეზონს ატარებს და ამ მაჩვენებლით „მანჩესტერის“ ყოფილ ნახევარმცველს რაიან გიგზს გაუთანაბრდა. მასვე ეკუთვნის ამ ტურნირზე ჩატარებული მატჩების რეკორდი - 165 (თუ საკვალიფიკაციოზე გამართულ შეხვედრებსაც ჩავთვლით - 174). თუმცა, „ბეშიქთაშთან“ ვერც მან ივარგა, ვერც მისმა თანაგუნდელებმა და 1:3-ზე დამარცხდნენ.
მკითხველის კომენტარები / 0 /
კომენტარი ჯერ არ გაკეთებულა.
სიახლეები პოპულარული