პსჟ-მა ყველა მოლოდინს გადააჭარბა - მბაპეს პარიზში დარჩენის სანაცვლოდ წარმოუდგენელი შეთავაზება გაუკეთეს

RMC Sport-ი წერს, რომ პსჟ ყველა ღონეს ხმარობს, რათა გუნდის ვარსკვლავი კილიან მბაპე კონტრაქტის გახანგრძლივებაზე დაიყოლიოს.

პარიზელები კლუბის ლიდერს 4-წლიან კონტრაქტსა და სეზონურად, არც მეტი და არც ნაკლები, 100 მილიონი ევროს გასამრჯელოს სთავაზობენ. ფრანგი ამ თანხას ახლაც გამოიმუშავებს, ოღონდ ეს ყველაფერი სარეკლამო და სხვა შემოსავლების წყალობითაა, მაგრამ პსჟ 100 მილიონს კილიანს მხოლოდ ხელფასის სახით ჰპირდება.

მოგეხსენებათ, ახალი ამბავი არაა, რომ მბაპეს დამატება მადრიდის "რეალს" სურს. მას პარიზულ გუნდთან კონტრაქტი ამ ზაფხულს ეწურება და თავისუფალი აგენტი ხდება.