ლიგა 1. XIV ტურის წინ: "მონაკოს" ბოლო შანსი

ამ ტურში გაირკვევა, რამდენად რეალურია ლიგა 1-ში "პარი სენ-ჟერმენის" დევნა - კვირას ჩემპიონი "მონაკო" "ლუი მეორეზე" პსჟ-ს მასპინძლობს და შეეცდება 6-ქულიანი ჩამორჩენის შემცირებას.

კიდევ უფრო დიდია სხვაობა ამ გუნდების სათამაშო კონდიციებში - პარიზელები შინ თუ გარეთ ყველას ანგრევენ და ჩემპიონთა ლიგაზეც უპირველეს ფავორიტად მიიჩნევიან, "მონაკო" კი ლიგაზე ჯგუფში ჩარჩა, ახლა ტიტულის შენარჩუნებისთვის უნდა იბრძოლოს.

უნაი ემერი (პარი სენ-ჟერმენი): "კვირას "მონაკოს" წინააღმდეგ, რომელსაც დიდ პატივს ვცემ, ძალიან კარგი ტესტი გვექნება".

"ლილში" დიდი არეულობაა - სეზონის წინ ერთ-ერთ ფავორიტად შერაცხილი გუნდი ახლა ბოლოსწინა ადგილზეა. კლუბის ხელმძღვანელობამ მარსელო ბიელსა დროებით გადააყენა. რას ნიშნავს ეს, ცოტა გაუგებარია.

თუმცა მედია ამტკიცებს, რომ მიზეზი ისაა, რომ არგენტინელის გაშვება "ლილს" ძვირი დაუჯდება - "ელ ლოკო" კონტრაქტის გაწყვეტის სანაცვლოდ 14 მილიონ ევროს ითხოვს. "ლილი" ამ ტურში "მონპელიეს" სტუმრობს, რომელსაც თითქმის გაუვალი დაცვა ჰყავს.

ფაქტები

• "მონაკომ" ლიგა 1-ში ბოლო 16 მატჩიდან 15 მოიგო შინ.

• პსჟ-მა ლიგა 1-ში ბოლო 13 ტურიდან 11-ში იმარჯვა.

• წინა სეზონში "მონაკომ" პსჟ შინ 3:1 დაამარცხა და სტუმრად 1:1 ეთამაშა.

• "ლიონს" ჩემპიონატში 4-მატჩიანი მშრალი სერია აქვს - გოლი არ გაუშვია.

• "ლიონმა" ბოლო სამ საგარეო მატჩში, სულ მცირე, 3 გოლი მაინც გაიტანა თამაშში.

• "ლიონი" ბოლო 7 ტურია, დაუმარცხებელია.

• "გენგამმა" ბოლო 10 საგარეო მატჩიდან 9 წააგო საფრანგეთის ჩემპიონატში.

• "ლილს" ბოლო შვიდი საგარეო ტურიდან 5-ში გოლი არ გაუტანია.

საფრანგეთი. ლიგა 1. XIV ტური
პარასკევი, 24 ნოემბერი
სენტ ეტიენი-სტრასბური 23:45

შაბათი, 25 ნოემბერი
რენი-ნანტი 20:00
კაენი-ბორდო 23:00
დიჟონი-ტულუზი 23:00
მეცი-ამიენი 23:00
მონპელიე-ლილი 23:00
ტრუა-ანჟერი 23:00

კვირა, 26 ნოემბერი
ნიცა-ლიონი 18:00
მარსელი-გენგამი 20:00
მონაკო-პსჟ 23:59

ბომბარდირები: 15 - ედინსონ კავანი (პსჟ); 13 - რადამელ ფალკაო (მონაკო); 11 - ნაბილ ფეკირი (ლიონი); 9 - მარიანო დიასი (ლიონი); 7 - ნეიმარი (პსჟ).

(იბეჭდება მცირე ცვლილებით)
ყოველდღიური სპორტული გაზეთი "ლელო"