"არ დაგავიწყდეთ, ეს ბიჭი მესის შემდეგ..." - ლაუტარო მარტინესის მეუღლემ ქმრის კრიტიკოსებს უპასუხა

2022 წლის მუნდიალის მერვედფინალში არგენტინის ნაკრებმა პოლონეთი 2:1 დაამარცხა, "ალბისელესტეს" ფორვარდმა ლაუტარო მარტინესმა კი რამდენიმე ხელსაყრელი მომენტი ვერ გამოიყენა, რის გამოც კრიტიკის ობიექტი გახდა.

"ინტერის" თავდამსხმელს მხარი მისმა მეუღლემ, მოდელმა აგუსტინ გონდოლფომ დაუჭირა, რომელმაც თავისი ქმრის შესახებ ერთ-ერთი კრიტიკული პუბლიკაცია გააზიარა და დაწერა:

"არ დაგავიწყდეთ, ეს ბიჭი სკალონის ეპოქაში ლეო მესის შემდეგ ყველაზე მეტი გოლის გამტანია. მესიმ 28 გოლი გაიტანა, ლაუტაროს ანგარიშზე კი 21 შედეგიანი დარტყმაა", - დაწერა გონდოლფომ.

აგუსტინა გონდოლფო 26 წლისაა, ლაუტაროზე ერთი წლით უფროსია. ფეხბურთელმა ის ჯერ კიდევ მაშინ გაიცნო, როდესაც არგენტინის ჩემპიონატში თამაშობდა და საზოგადოებისთვის ასეთი ნაცნობი სახე და ვარსკვლავი არ იყო. გოგონა იშვიათად აცდენს "ინტერის" მატჩებს. როდესაც მაურო იკარდი "ნერაძურიში" ასპარეზობდა, გონდოლფო "სან სიროზე" ხშირად მაუროს მეუღლე ვანდა ნარასთან ერთად ჩნდებოდა.