სკუარდა აძურას ყოფილი მწვრთნელი მარჩელო ლიპი თვლის, რომ ზოგიერთ ნაკრებს მსოფლიოს ჩემპიონატზე მონაწილეობა გარანტირებული უნდა ქონდეს:"იტალიის და ჰოლანდიის უმუნდიალოდ დარჩენა იშვიათი შემთხვევაა და ვნებს ტურნირს. წინადადებას ვაყენებ ევროპის და სამხრეთ ამერიკის 8-8 გუნდმა ავტომატურად მიიღოს მსოფლიოს ჩემპიონატის საგზური.
მათ გარეშე ტურნირი ხიბლს კარგავს და არასრულფასოვანია. ტრადიციების პატივისცემაა საჭირო. არგენტინამ საგზური უკანასკნელ ტურში მოიპოვა. წარმოგიდგენიათ მუნდიალი ლეო მესის გარეშე? ეს უსამართლობაა".
