ბრაზილიის ნაკრების გულშემატკივრები სოციალურ ქსელებში მოუწოდებენ საკუთარ გუნდს - წააგოს მსოფლიოს 2018 წლის ჩემპიონატის შესარჩევი ტურნირის ბოლო ტურის მატჩი შინ, ჩილეს ნაკრებთან, რომელიც 11 ოქტომბერს გაიმართება.ბრაზილიელთა შეტყობინებებს თან ახლავს სოციალური ჰეშთეგი #EntregaBrasil. გულშემატკივრებს იმედი აქვთ, რომ მათი გუნდის მარცხი ჩილეს ნაკრებთან გაურთულებს მსოფლიოს ჩემპიონატზე მოხვედრას პრინციპულ მეტოქეს - არგენტინის ნაკრებს.
ბრაზილიამ ვადაზე ადრე გაინაღდა შესარჩევ ტურნირში პირველობა და მუნდიალზე თამაშის უფლება. ჩილე 26 ქულით მესამე ადგილზეა, არგენტინა 25 ქულით - მეექვსეზე.
ამ გუნდს ბოლო ტურში გასვლაზე უწევს მატჩი ეკვადორთან.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![ნეიმარმა პელეს რეკორდი მოხსნა - ბრაზილიამ ბოლივია გაანადგურა [VIDEO]](/pictures/image7/9b0f918a5c5f0e2fef29d3fb284dfcd3.jpg "ნეიმარმა პელეს რეკორდი მოხსნა - ბრაზილიამ ბოლივია გაანადგურა [VIDEO]")
