კონტე "ნაპოლის" სათავეში არ ჩაუდგება - მიზეზი ცნობილი გახდა

Il Mattino-ს ცნობით, ანტონიო კონტე "ნაპოლის" მწვრთნელი არ გახდება.

გამოცემის მტკიცებით, ანტონიო კონტესა და "ნაპოლის" პრეზიდენტ აურელიო დე ლაურენტისის მოლაპარაკებები უშედეგოდ დასრულდა.

კონტემ "ინსტაგრამზე" გამოქვეყნებული პოსტით ახსნა, რომ ამ მომენტში ოჯახთან ერთად დასვენებით სურს დატკბეს, თუმცა მიზეზი, სავარაუდოდ, სხვაა. კერძოდ, მან სამწლიანი კონტრაქტი და სეზონურ გასამრჯელოდ 8 მილიონი ევრო მოითხოვა, რასაც ბუნებრივია, დე ლაურენტისი არ დათანხმდა.

ასე რომ, რუდი გარსია, როგორც მინიმუმ, მომავალი სამი მატჩისას ნეაპოლური გუნდის თავკაცი იქნება. იტალიური მედია ირწმუნება, რომ არსებობს გეგმა B, რომლის მიხედვით, ამ სამ შეხვედრაში წარუმატებლობის შემთხვევაში, რუდი გარსიას დროებით უმუშევარი იგორ ტუდორი შეცვლის, რომელიც, ალბათ, უფრო დაბალ ანაზღაურებაზე იქნება თანახმა.

სურს თუ არა კონტეს "ნაპოლიში" მუშაობა? - ანტონიოს მეგობარი განმარტავს