იტალიის ჩემპიონატის მე-4 ტურში გენუაში "ჯენოასთან" რომის "ლაციო" მე-13 წუთზე დაწინაურდა და მასპინძელთა გუნდის მწვრთნელმა ივან ჯუკიჩმა 33-ე წუთზე შეცვლაზე 16 წლის თავდამსხმელი პიეტრო პელეგრი შეუშვა, რომელმაც ორჯერ დალაშქრა სტუმართა კარი, მაგრამ ჭაბუკ პიეტროს დუბლითვე უპასუხა ამ სეზონში ჩინებულად ათამაშებულმა ჩირო იმობილემ და რომაელებმა 3:2 მოიგეს.სხვათა შორის, პელეგრიმ გასულ სეზონში "რომაც" დაამწუხრა. ის ამ საუკუნეში ევროპის ტოპ-5 ჩემპიონატების ყველაზე ახალგაზრდა დუბლის შემსრულებელია და ყველაზე ახალგაზრდა ფეხბურთელია, რომელმაც იტალიის ჩემპიონატზე ითამაშა - შარშან 22 დეკემბერს "ტორინოსთან" შეხვედრაში შედგა მისი დებიუტი,
რაც შეეხება იმობილეს, ბოლო 3 მატჩში 6 გოლი გაიტანა.
![ხვიჩას კარგი მატჩი - "ბარსელონასთან" შეხვედრის წინ "ნაპოლი" სახლში "ჯენოას" დაუზავდა [VIDEO]](/pictures/image7/4dc9b3512964e6a0198e9252ec85aaed.jpg "ხვიჩას კარგი მატჩი - \"ბარსელონასთან\" შეხვედრის წინ \"ნაპოლი\" სახლში \"ჯენოას\" დაუზავდა [VIDEO]")
