"მანჩესტერი" "ვესტ ბრომვიჩთან" დამარცხდა და "მანჩესტერ სიტი" ჩემპიონი გახდა [VIDEO]

AutoSharing Option
პრემიერლიგის 34-ე ტურში "მანჩესტერი" "ოლდ ტრაფორდზე" მოულოდნელად დამარცხდა აუტსაიდერ "ვესტ ბრომვიჩთან" (გოლი 73-ე წუთზე როდრიგესმა გაიტანა) და "მანჩესტერ სიტი" ვადამდე გახდა პრემიერლიგის გამარჯვებული.

"ქალაქელთა" მწვრთნელმა პეპ გვარდიოლამ გუშინ თქვა, რომ გოლფის სათამაშოდ მიდიოდა, ერჩივნა "მანიუს" მოეგო და 22 აპრილს, შემდეგ ტურში, "სუონსისთან" შეხვედრაში "ეტიჰადზე" ეზეიმათ ოქროს მედლების მოგება.

გვარდიოლამ სამწვრთნელო კარიერაში 9 სეზონში მეშვიდედ მოიგო ჩემპიონატი, "სიტი" კი მეხუთედ გახდა ქვეყნის ჩემპიონი.