იან რაიტი: აი, გვარდიოლა რომ ყოფილიყო "მანჩესტერ იუნაიტედის" მწვრთნელი...

AutoSharing Option
ლონდონის "არსენალის" ყოფილმა თავდამსხმელმა იან რაიტმა მანჩესტერული გუნდები შეადარა ერთმანეთს.

"თუ "იუნაიტედი" და "სიტი" ერთმანეთის წინააღმდეგ ბოლომდე ითამაშებენ, შესანიშნავი მატჩი გამოვა. "სიტის" ფეხბურთელებს რომ შეხედოთ, მიხვდებით, ისინი ერთ ტალღაზე არიან. ხოლო "იუნაიტედში" დაინახავთ ინდივიდუალურად ბრწყინვალე ფეხბურთელებს. ისინი "სიტის" ფეხბურთელებზე ნაკლებნი არ არიან.

მაგრამ "სიტი" კოლექტივია. ვინმეს "მანჩესტერ იუნაიტედში" რომ შეეძლოს ამ ფეხბურთელების ერთ გუნდად ჩამოყალიბება, როგორც ეს "ქალაქელებში" ხდება, მაშინ "იუნაიტედი" მეზობლის დონეზე ავიდოდა. ამ ორ კლუბს მწვრთნელები რომ გაეცვალა, "იუნაიტედი" "სიტივით" ითამაშებდა, რადგან "წითელ ეშმაკებს" ჰყავს ისეთი ფეხბურთელები, რომლებიც
გვარდიოლას გამოადგება.

პეპი იმ ფეხბურთს არ ითამაშებდა, რასაც გუნდი მოურინიოს დროს აჩვენებს", - ციტირების რაიტის სიტყვებს Sky.

შეგახსენებთ, რომ "სიტი" პრემიერლიგაში "იუნაიტედს" 16 ქულით უსწრებს და ჩემპიონობამდე ორი გამარჯვებაღა აკლია. ხოლო გუშინ "წითელი ეშმაკები" ჩემპიონთა ლიგის მერვედფინალიდან გამოვარდნენ.

მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული