ლიგის თასი: "არსენალმა" "ვესტ ჰემი" დაამარცხა, ჟირუმ ტრავმა მიიღო [VIDEO]

AutoSharing Option
AUTO PLAY
ინგლისის ლიგის თასის მეოთხედფინალურ შეხვედრაში ლონდონური დერბი გაიმართა, რომელშიც სათადარიგო შემადგენლობით გამოსულმა "არსენალმა" "ვესტ ჰემი" 1:0 დაამარცხა.

შეხვედრის ერთადერთი გოლი "მეთოფეთა" ინგლისელმა ფორვარდმა დენი უელბეკმა 42-ე წუთზე გაიტანა.

შეხვედრაში "არსენალის" ფრანგი ლეგიონერები, ოლივიე ჟირუ და ფრანსის კოკლენი დაშავდნენ.

"არსენალის" მთავარი მწვრთნელის, არსენ ვენგერის განცხადებით, ჟირუმ ფეხის ტრავმის გამო, შესაძლოა, 3 კვირის განმავლობაში ვერ ითამაშოს.

დღეს, 20 დეკემბერს ინგლისის ლიგის თასის კიდევ ერთი მეოთხედფინალი გაიმართება, რომელშიც ლონდონის "ჩელსი" "ბორნმუთს" დაუპირისპირდება, 21 დეკემბერს კი "მანჩესტერ იუნაიტედი" "ბრისტოლ სიტის" შეხვდება.




მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული