"ბარსელონამ" "სელტა" გააბითურა, რომელმაც კვირას "რეალს" ფრე გაუგორა [VIDEO]

AutoSharing Option
AUTO PLAY
ესპანეთის თასის პირველ 1/8-ფინალურ მატჩში "სელტამ" ვიგოში ფრეს (1:1) მიაღწია "ბარსელონასთან" და გულშემატკივრები განმეორებით შეხვედრაში დაძაბულ თამაშს ელოდნენ, მითუმეტეს კვირას გალისიელებმა ლა ლიგაზე "რეალს" ქულები აართვეს (2:2). თუმცა, არ გამოვიდა.

სანახევროდ შევსებულ "კამპ ნოუზე" მე-15 წუთზე ლეო მესიმ ჟორდი ალბას ორი პასით დუბლი მიითვალა და ტურნირზე 46 გატანილი გოლით საუკეთესო 10 ბომბარდირს შორის შევიდა. მერე მესის გადაცემით ალბამ დალაშქრა სერხიო ალვარესის კარი, ხოლო 31-ე წუთზე ლუის სუარესმა და მატჩს ყოველგვარი ინტრიგა
დაეკარგა.

მეორე ტაიმში მწვრთნელმა ერნესტო ვალვერდემ მესი, ანდრეს ინიესტა და ჟერარდ პიკე გაიყვანა და შეცვლაზე შესული უსმან დემბელეს გადაცემით შეხვედრის დასასრულს ივან რაკიტიჩმა მეხუთედ დაამწუხრა სტუმრები.

მეოთხედფინალში "ბარსას" მეტოქეს კენჭისყრა გაარკვევს და არა გვგონია ვინმეს მასთან შეხვედრის დიდი სურვილი ჰქონეს.
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული