ჩემპიონთა ლიგის 1/8-ფინალური ეტაპის პირველი შეხვედრის დასრულების შემდეგ ჟურნალისტებს "ბარსელონას" ნახევარმცველი ანდრეს ინიესტა გაესაუბრა. შეგახსენებთ, რომ ლიონელ მესის საგოლედ სწორედ ესპანელმა უპასა.
"შეხვედრაში ყველაფერი მოხდა, რაც ჩემპიონთა ლიგის მატჩს უნდა უკავშირდებოდეს. ეს იყო ძალიან დაძაბული თამაში დიდი გუნდის წინააღმდეგ. ჩვენ არ გვეძლეოდა შანსი, შესაძლებლობები ბოლომდე წარმოგვეჩინა, რადგან "ჩელსის"ფეხბურთელები ყველგან იყვნენ.
მთავარია, რომ გოლი გავიტანეთ. დარწმუნებული ვარ, საშინაო მატჩი სრულიად განსხვავებული იქნება. ვიცით, რომ დასრულებული არაფერი არაა და "ნოუ კამპზე" გამარჯვების მოსაპოვებლად დიდებული ფეხბურთელები ჩამოვლენ", - აღნიშნა ინიესტამ.
![უნდა ჩათვლილიყო თუ არა იამალის გოლი? - ვიდეო, რომელიც ყველაფერს ნათელს ხდის [VIDEO]](/pictures/image7/30812631987d54f62076240cc188de78.png "უნდა ჩათვლილიყო თუ არა იამალის გოლი? - ვიდეო, რომელიც ყველაფერს ნათელს ხდის [VIDEO]")
