1 ნოემბერს, ჩემპიონთა ლიგის ჯგუფური ეტაპის მეოთხე ტურის მეორე სათამაშო დღეს ქართველი გულშემატკივრების განსაკუთრებულ ინტერესს ალბათ, ხარკოვში დონეცკის "შახტარისა“ და როტერდამის "ფეიენოორდის“ მატჩი იწვევდა, რადგან დონბასელთა გუნდის ძირითად შემადგენლობაში პირველად იასპარეზა ჩემპიონთა ლიგაზე ქართველმა ცენტრალურმა მცველმა დავით ხოჭოლავამ. ამ შეხვედრის წინ მასპინძლები განსაკუთრებით ნიდერლანდელთა ფორვარდს ნიკოლაი იორგენსენს უფრთხოდნენ და მართლაც, მან მე-12 წუთზე ანგარიში თავური დარტყმით გახსნა, პასი კი ბერგჰუისმა გაუკეთა, რომელსაც იმ მომენტში ხოჭოლავა მეურვეობდა. თუმცა, "შახტარმა“ მალე ზედიზედ ორი გოლით უპასუხა, მეორე ტაიმში ნატურალიზებულმა ბრაზილიელმა მარლოსმა მესამედაც დაამწუხრა
ამავე F ჯგუფში "მანჩესტერ სიტიმ“ მეორედაც დაამარცხა "ნაპოლი“ (4:2) და შემდეგი ეტაპის საგზური გაინაღდა. ფორვარდმა სერხიო აგუერომ "ქალაქელთა“ რიგებში 178-ე გოლი გაიტანა და გუნდის ყველა დროის საუკეთესო ბომბარდირი გახდა.
"მანჩესტერ სიტი“ 12, "შახტარი“ 9, "ნაპოლი“ 3, "ფეიენოორდი“ 0
E ჯგუფში "ლივერპულმა“ "ენფილდზე“ :მარიბორი“ გაანადგურა 3:0, :სევილიამ“ კი მოსკოვში განცდილი მარცხის შემდეგ მოახერხა "სპარტაკთან“ რევანშის აღება 2:1.
"ლივერპული“ 8, "სევილია“ 7, "სპარტაკი“ 5, "მარიბორი“ 1
G ჯგუფში სტამბულში "ბეშიქთაშისა“ და "მონაკოს“ დაპირისპირება 1:1 დასრულდა. თურქული კლუბის მწვრთნელმა შენოლ გიუნეშმა დაიჩივლა, რომ გამარჯვება ხელიდან გაუშვეს, თორემ დღესვე გავიდოდნენ პლეი-ოფში, მისმა ვიზავიმ ლეონარდუ ჟარდიმმა კი თქვა, რომ შანსი კიდევ აქვთ, ოღონდ ყველაფერი მათზე აღარაა დამოკიდებული.
"პორტუმ“ სახლში 3:1 დაამარცხა "ლაიპციგი“ და მეორე ადგილზე გადავიდა.
"ბეშიქთაში“ 10, "პორტუ“ 6, "ლაიპციგი“ 4, "მონაკო“ 2
H ჯგუფში "ტოტენჰემმა“ 3:1 მოუგო მარდიდის "რეალს“. დუბლი დისკვალიფიკაციამოხდილმა დელე ალიმ შეასრულა და ალბათ, "დეზებმა“ უკანასკნელი წლებში ინგლისური გუნდებიდან ევროტურნირებზე საუკეთესო მატჩი ჩაატარეს და დამსახურებულად გავიდნენ პლეი-ოფში.
უდიდეს უპირატესობას ფლობდა "სიგნალ იდუნა პარკზე“ დორტმუნდის "ბორუსია“ კვიპროსის აპოელთან, მაგრამ ფრეს, 1:1-ს დასჯერდა.
"ტოტენჰემი“ 10, "რეალი“ 7, "დორტმუნდი“ 2, აპოელი 2
